الورقي
منة في دعوى غريبة بمحكمة الأسرة: «عيالي مش عاوزين نفقة»
«عيالي قالولي مش عاوزين منه حاجة، بس مش عاوزينه يتسجن، أنا بشتغل وأصرف عليهم وهما راضيين بالقليل»، بررت الزوجة "منة. س" تواجدها أمام محكمة الأسرة، للتنازل عن الدعاوى للتي أقامتها ضد زوجها منذ سنوات، مؤكدة أنها فعلت ذلك من أجل أبنائها.
منة في دعوى غريبة بمحكمة الأسرة
بدأت الزوجة برواية مشكلتها أمام محكمة الأسرة، بأنها وبعد أن فاض بها الكيل انفصلت عن زوجها وتوجهت لمحكمة الأسرة حتى تحصل على النفقة، وعندما فشلت في الحصول على حقوقها توجهت مرة أخيرة لمحكمة الأسرة حتى تستطيع الحصول على نهاية لقصتها، «متجوزة من سنة 2000 خلفت من جوزي 4 أولاد، كان جواز زي أي جواز تقليدي اتجوزنا وخلفنا ومكنش فيه مشاكل في الأول بس بعد كده كل ده اتغير، وانفصلت عن جوزي من 2019 واطلقنا لما رفعت عليه قضية خلع».
وأضافت الزوجة في دعواها أمام محكمة الأسرة، بأن الخلافات مع زوجها، كانت بسبب ظروف حياتهم المعيشية، فمرتبه لا يكفي لمتطلبات البيت، « رغم إن جوزي بيشتغل ومعاه فلوس بس مبيصرفش غير على القد وكان مبيكفيش حاجة، حاولت معاه كتير إنه يتعدل ويصرف على أولاده بس مفيش فايدة كان بيرفض يصرف علينا جنيه».
وتابعت الزوجة في دعواها أمام محكمة الأسرة، «المشكلة كانت بسبب إنه شغله المرتب بتاعه قليل ومبيكفيش حاجة وهو مش عايز يشتغل شغل تاني، لما يأست من عمايله وإن خلاص مفيش فايدة، رفعت قضية خلع واطلقت منه لأنه رفض الطلاق ودي لأنه مش عايز يديني حقي».
«عيالي مش عاوزين نفقة»
واختتمت الزوجة في دعواها أمام محكمة الأسرة، بأنها بعد حصولها على الطلاق أقامت ضده دعاوى نفقة كي تأخذ حقوقها وحقوق أطفالها لكنها لم تتمكن من ذلك، «هو مبيدفعش لأن معهوش فلوس رفعت عليه قضية متجمد نفقة وبرضو مفيش فايدة، طول الفترة اللي معرفتش أخد فيها حقي اضطريت أنزل واشتغل عشان أصرف على ولادي، دلوقتي جيت المحكمة عشان هتنازل عن قضايا النفقة عشان عياله قالوا مش عايزين منه حاجة عشان أبوهم ميستجنش، احنا أصلا مبقيناش محتاجينه».
