بشرى تكشف حقيقة انفصالها عن نجل محمود حميدة: مش فاضيين عندنا عيال بنربيها

كشفت الفنانة بشرى حقيقة انفصالها عن زوجها خالد - نجل الفنان محمود حميدة بعد مضي شهرين على زواجهما، والتي انتشرت خلال الساعات الماضية على مواقع التواصل الاجتماعي.

وقالت بشرى: "بطّلت أركز مع الشائعات، مش فاضية، دي ناس بتاكل عيش على حسِّنا"، مضيفة: "إحنا لسة كنا في عيد ميلاد مصطفى قمر مع بعض أول إمبارح، ممكن تكون حملة ممنهجة وراها حد مجهول".

وتابعت بشرى خلال حضورها العرض الخاص لفيلم "عنب" لدعم أبطاله، قائلة: "الاشاعات دي ناس فاضية، وإحنا مش فاضيين عندنا عيال بنربيها ومدارس لسة داخلة وبنشوف اللي ورانا وعايزين نشوف شغلنا، واللي عايز يطلع اشاعات يطلع إحنا مش فايقين لحد بصراحة".

يُذكر أن بشرى احتفلت بعقد قرانها على خالد حميدة في 31 يوليو الماضي، في الساحل الشمالي، واقتصر الحضور على العائلة والأصدقاء.