زوجان في دعوى طلاق أمام محكمة الأسرة.. والسبب الكوافير

"خلافتنا مستحملاها من تاني شهر جواز، مش بيصرف عليا أنا وابني، وبسبب أمه حياتنا خربت، أنا تعبت منها ومنه"، تلك الكمات وقفت الزوجة "نهى. ك" أمام محكمة الأسرة تقيم دعوى طلاق للضرر ضد زوجها، متهمة إياه فيها أنه يسئ معاملتها ولا ينفق عليها وعلى طفلهما الرضيع، وأن خلافاتهما بدأت بعد أشهر قليلة من زواجهما بسبب تدخل والدته في حياتهما من أول يوم جواز.

وأضافت الزوجة في دعوى طلاق الضرر التي أقامتها ضد زوجها، أمام محكمة الأسرة، أنها قررت اللجوء إلى المحكمة بعدما فشلت كل محاولات إصلاحهما وتدخل عدد من أقاربهما لحل الخلافات ودائما كان حل الخلافات والتدخلات دون جدوى، وباءت كل المحاولات بالفشل، الأمر الذى جعلها تصر على إحالة الدعوى للمحكمة، ورفضها عقد أي جلسات صلح بعد عرض ذلك عليها من خبراء التسوية.

ومن جهته رد الزوج على دعوى الطلاق التي أقامتها ضده زوجتها، أمام محكمة الأسرة، " مراتى اللى بتقول عليا إنى مبصرفش عليها ولا على ابننا الرضيع، سبب خلافاتى معاها إنها عاوزة مصروف ليها ٤٠٠٠ جنيه شهريا، عشان تقدر تروح للكوافير، وتجيب اللى هى عاوزاه زى ما بتقول، وده طبعا غير إن كل نفقاتها من أكل وشرب ولبس وعلاج عليا، ولما قولتلها إن المبلغ ده كتير علىّ وإن مرتبى لايكفى مصاريف البيت وكمان مصروف ليكى ٤٠٠٠ جنيه، قالتلى إن ده كلام أمك مش كلامك، وإن أمك عشان مبتحبنيش هى اللى خلتك متدينيش المصروف."

وتابع الزوج على دعوى الطلاق التي أقامتها ضده زوجتها، أمام محكمة الأسرة، أن زوجته تمنع دخول والدته منزلهما، وتعاملها بشكل سيء جدا، وتمنعها رؤية حفيدها، " مراتى اللى بتقول إنى أمى بتتدخل فى حياتنا من أول ما اتجوزنا هى تقريبا منعاها تيجى عندنا البيت بسبب معاملتها السيئة اللى طبعا واضحة وباينة لأمى، واللى بسببها أمى قالتلى يا ابنى مراتك مش طايقانى فأنا مش هجيلك تانى عشان ماعملش بينكو مشاكل، وكفاية عليا أطمن عليك بالتليفون، حتى حفيدها ماشافتهوش ٥ مرات على بعض من يوم ما اتولد".

واختتم الزوج حديثه الزوج على دعوى الطلاق التي أقامتها ضده زوجتها، أمام محكمة الأسرة، " كل اللى قالته مراتى فى دعواها كدب ومش حقيقة، هى اللى سابتلى البيت من ٥ شهور بعد ما رفضت أديها المصروف اللى طلبته، مراتى عاوزه تخرب البيت عشان ٤٠٠٠ جنيه تروح بيهم للكوافير ودلوقتى بتقول علىّ أنا اللى ما بصرفش عليها وبسيىء معاملتها".