داخل محكمة الأسرة.. رحمة في دعوى طلاق: الجواز غيره

"الجواز غيره، بيقولي هأجرك بالساعة عشان نسد الأقساط اللي علينا، عاوزني أبيع شرفي بالساعة"، هكذا صرخت الزوجة "رحمة. م" أمام هيئة محكمة الأسرة، وهي تطالب بطلاق الضرر من زوجها، مؤكدة صدمتها في زوجها، بعدما حاول إقناعها ببيع شرفها من أجل المال، لتسديد أقساطهما.

وأضافت الزوجة في دعوى طلاق الضرر التي أقامتها ضد زوجها، أمام محكمة الأسرة، أن حياتها قبل الزواج كانت أكثر استقرارًا بسبب معاملة زوجها الجيدة معها، ومحاولة إرضاءها بكل الطرق، "قبل الجواز كان حاجة تانية خالص، وكان بيعمل كل اللي أنا عايزاه عشان يرضيني ومكنش فيه مشاكل بينا خالص غير الخلافات العادية، وكنت راسمة أحلام وردية لحياتي أنا وجوزي بعد الجواز".

وتابعت الزوجة في دعوى طلاق الضرر التي أقامتها ضد زوجها، أمام محكمة الأسرة، أن حياتها بعد الزواج ستكون مليئة بالتفاهم والحب على حسب ما رأته منه خلال فترة الخطوبة، إلا أن كل ما حلمت به وجدت عكسه بعد زواجهما، "كنت فاكرة الجواز هيبقى جنة وإنه هيعيشني أحلى عيشة، بس كنت غلطانة عشان لقيت حاجة تانية خالص غير اللي أنا راسماها، أول كام شهر في الجواز كان كويس معايا فيهم، إنما بعد كدا اتحول ولقيت واحد تاني معايا، شخص مختلف غير اللي كان بيغير عليا وبيحبني".

وأضافت الزوجة في دعوى طلاق الضرر التي أقامتها ضد زوجها، أمام محكمة الأسرة، أنها لا تعلم ما الذي أوصل زوجها لبيع شرفها، " اتزنقنا في الفلوس في أو سنة عشان كنا لسة بنسدد أقساط الشقة، والأجهزة الكهربائية، وعشان يفك الزنقة دي جه قال لي في راجل هيجي ياخدك وتروحي معاه في الشقة وهيديكي في الساعة فلوس كتير، اعتقد إنه بيهزر وأخدت الموضوع بهزار، عقلي مش مستوعب اللي قاله، حاولت أفهم بس الكلام كان كله هزار، ماهو مين اللي يبيع شرفه بالساعة عشان الفلوس".

وأكملت الزوجة في دعوى طلاق الضرر التي أقامتها ضد زوجها، أمام محكمة الأسرة، أنها في البداية اعتقدت أن كلام زوجها من باب المزاح فقط، لكنه عاد وكرر طلبه، وفي تلك المرة أكد لها أن فعله بحجة التخلص من الضائقة المادية، ولا علاقة له بحبهما، "كنت فاكراه في الأول بيهزر، بس كان بيكرر الموضوع كذا مرة وعايزني أعمل كدا بجد، وكان بيحاول يقنعني ويقولي متقلقيش مفيش حاجة هتحصل، وأول ما تدخلوا الشقة أنا هدخل وراكوا وهاخدك، بس يبقى ضمنا إننا خدنا الفلوس الأول".

واختتمت الزوجة حديثها في دعوى طلاق الضرر التي أقامتها ضد زوجها، أمام محكمة الأسرة، أنها لم تتحمل كلمات زوجها وقررت ترك البيت بعد شهور من الزواجـ ولجأت لمحكمة الأسرة لطلب طلاق الضرر.