داخل محكمة الأسرة.. نورا تقيم دعوتي خلع ونفقة.. والسبب "أمه اللي مربياه"

"حماتي خربت حياتي، طلقت ولادها التلاتة ومش فاضل غيري، بتدخل في كل قراراتي أنا وجوزي، وفي النهاية جوزي سابنا وراح قعد عند أمه"، هكذا وقفت الزوجة "نورا. خ"، أمام محكمة الأسرة تقيم دعوتي خلع ونفقة، مشيرة إلى أن حماتها هي السبب الرئيسي للخلافات، حيث جعلت مهمتها الأساسية في الحياة تدمير حياة أبنائها الثلاثة الزوجية، وبعدما كثرت محاولات الزوجة في الحفاظ على بيتها وأسرتها من تدخلات والدة زوجها الخارجية، والتي كانت كل نيتها الخراب، بائت كل هذه المحاولات بالفشل واضطرت الزوجة أن تتوجه لمحكمة الأسرة في النهاية، بالرغم من صعوبة هذا القرار عليها.

وأضافت الزوجة في دعوتي الخلع والنفقة، والتي أقامتهما ضد زوجها، أمام محكمة الأسرة، أن زواجها كان تقليديا، وقد مر عليه قرابة 12 سنة، أنجبت من زوجها على فراش الزوجية ولد وفتاة، "أنا متجوزة جواز صالونات من 12 سنة، ومخلفة من جوزي ولد وبنت، وسايباله البيت من سنة تقريبا، طول فترة الخطوبة مكنش فيه مشاكل غير العادية كان شخص محترم جدا، بس كان باين إن أمه بتدخل في كل حاجة وكل القرارات، خوفت شوية بس رجعت وقولت عادي وشاب وبياخد رأي والدته في كل حاجة، واللي ملوش خير في أهله".

وتابعت الزوجة في دعوتي الخلع والنفقة، والتي أقامتهما ضد زوجها، أمام محكمة الأسرة، أن الخلافات بينها وبين زوجها كانت عادية كأي شخصين متزوجين، ولكن الكارثة كانت تكمن بوالدة زوجها، فه وعلى حد قول الزوجة مريضة نفسيا، وتكره أن ترى الآخرين سعداء، بسبب طلاقها من زوجها قديما، ودائما كانت الفتيل لكل الخلافات بينها وزوجها، " حماتي كانت بتولع الدنيا بيني وبين جوزي، ومش مخليانا نعرف نعيش مرتاحين، كنا معظم الوقت في مشاكل بسببها، كانت طول الوقت بتتدخل في كل كبيرة وصغيرة في حياتنا، ولو فيه بينا مشكلة تولعها وتقوم جوزي عليا وتكبر المشكلة".

وأضافت الزوجة في دعوتي الخلع والنفقة، والتي أقامتهما ضد زوجها، أمام محكمة الأسرة، " حماتي كانت ست صعبة جدا وكانت خاربة بيوت أولادها التلاتة، إخوات جوزي الكبار كانوا مطلقين بسببها وبسبب تدخلاتها الكثيرة اللي محدش يستحملها، كل اللي عاشته في حياتها بتكرره في كل ولادها، زمان جوزها اتجوز عليها واحدة تانية وسابها، وهي اللي ربت التلات ولاد لوحدها، استحملت كتير عمايلها وكلامها وتدخلها في كل حاجة عشان مخربش بيتي وولادي يتبهدلوا".

وأكملت الزوجة في دعوتي الخلع والنفقة، والتي أقامتهما ضد زوجها، أمام محكمة الأسرة،" بعد ما صبرت كتير واستحملت زهقت منها ومن عمايلها وجوزي ولا مرة كان بيقف معايا، كان بيخاف على زعل أمه، ولما اعترض يقول أمه اللي مربياه ميقدرش ميعملش اللي هي عايزاه، لحد ما سيبته أنا والعيال وهو راح قعد معاها ولا مرة سأل فيها علينا يسال غير كل فين وفين".