«حب عمري بيخوني».. سندس تقيم دعوى خلع أمام محكمة الأسرة

«كان زميلي في الشغل وبينا قصة حب، أو كنت فاكراها قصة حب، لكن بعد سنتين جواز اكتشفت إن حب عمري بيخوني، فقررت مش هكمل معاه»، بتلك الكلمات وقفت الزوجة "سندس. ل" أمام محكمة الأسرة، تقيم دعوى خلع ضد زوجها، بعد فشل زواجها الذي بني على قصة حب، بعدما تعرف الزوجين على بعضهم عن طريق محل عملهم، لتكتشف الزواج بعد عامين خيانة زوجها لها، بعدما بدأ الزوج في التغير لتقرر التوجه لمحكمة الأسرة حتى تنهي حياتها معه.

وقالت الزوجة في دعوى الخلع التي أقامتها ضد زوجها، أمام محكمة الأسرة، أنها تزوجت منذ عامين، وأنجبت من زوجهت ولد على فراش الزوجية، « اتجوزت بعد قصة حب بيني أنا وجوزي، اتعرفت عليه عن طريق الشغل، كنا بنشتغل سوا وهو كان كويس جدًا ومحترم وكان بيهتم بيا عشان كدة حبيته، وجه واتقدملي وأهلي كانوا رافضين في الأول لكن بعد كده وافقوا عشان لقوني عايزاه».

وتابعت الزوجة في دعوى الخلع التي أقامتها ضد زوجها، أمام محكمة الأسرة، أنها في بداية الزواج لم تعاني من شيء، فقد كانت الحياة وردية بشكل لا يصدق، «بعد الجواز الدنيا كانت ماشية وكل حاجة كانت كويسة، هو كان زوج كويس وأب كويس، أنا وهو كنا لسه بنشتغل بس هو اللي كان بيصرف أغلب الوقت، العلاقة بينه وبين أهلي كانت مش أحسن حاجة لكن مكنش حد بيعمل مشاكل مع التاني عشان خاطر ابني والبيت ميتخربش».

وأضافت الزوجة في دعوى الخلع التي أقامتها ضد زوجها، أمام محكمة الأسرة، أنها بعد مرور فترة قصيرة من الزواج، بدأت في ملاحظة تغييرات زوجها، «لاحظت إنه متغير وعلى طول بيتكلم في التليفون وعامله باسورد معرفش افتحه، شكيت فيه وواجهته أنكر في الأول وقال إنه مش بيخوني، لحد ما ركزت معاه وتأكدت إنه بيخوني، ولما اتكلمت معاه قالي هيتعدل ويبقى كويس، وصدقته ساعتها ووافقت أفضل معاه ومسيبتوش عشان بيتي وولادي».

واختتمت الزوجة حديثها في دعوى الخلع التي أقامتها ضد زوجها، أمام محكمة الأسرة، «لقيت مفيش فايدة معاه ومش هيبطل اللي بيعملوا وهيفضل يخوني، ساعتها سيبت البيت ولجأت لبيت أهلي من كام شهر اهو، ولما طلبت منه يجي يطلقني مجاش بحجه إنه خايف يجي يواجه أبويا، هو بيعمل كده عشان يتهرب من المواجهة عشان عارف إنه غلطان، حاولت معاه كتير إنه يطلقني بالود، رفض وعايش حياته مع اللي كان يعرفهم عليا، وانا زهقت من الوضع ده». 

وأمام تعنت الزوج لجأت الزوجة إلى محكمة الأسرة لتقيم دعوى خلع ضد زوجها.