ويجز يفتح النار على رامي صبري: بتوع الراب معديينك وأنت رقم 19

هاجم مطرب الراب ويجز، عبر حسابه الرسمي على موقع "إنستجرام" الفنان رامي صبري بعد حديث الأخير عنه خلال لقائه في برنامج "حبر سري".

وظهر ويجز في مقطع فيديو نشره عبر خاصية الاستوري قائلًا: "هتكلم على فنان فاكر أنه عنده صلاحية يطلع يتكلم في أي وقت على أي حد والناس تسمع وتسكت، الفنان دا اسمه رامي".

وأضاف: "رامي دا بقى كل لما يقعد 5 شهور يزهق يطلع يتكلم في التليفزيون على بتوع الراب والهيب هوب وكده، طيب أنت بتتكلم أمتى عن بتوت البوب اللي أنت منهم، على فنك ومجالك وكده".

واختتم ويجز حديثه قائلًا: "جماعة استنوا أغنيتي الجديدة إن شاء الله يوم 27 أغنية مش هقولكم هي عبارة عن إيه أستاذ رامي بقى ممكن يقولنا ويشرحلنا الأغنية عبارة عن إيه لما تنزل لو فهم".

تفاصيل خلاف ويجز ورامي صبري 

يذكر أن المطرب رامي صبري كشف مؤخرًا، خلال لقائه في برنامج "حبر سري" الذي تقدمه الإعلامية أسما إبراهيم، وتحدث عن ويجز قائلًا: "ممكن اعمل ديو مع مطربي الراب ومنهم مروان بابلو ده شاطر جدا، وويجز مع أنه زعلان مني ومش عارف ليه أنا قلت إني مش بفهم كلامه ودي حقيقة بس قلت عليه إنه بيعمل مزيكا حلوة ومجتهد".