الفنانة عنايات صالح: مخرج مشهور اتحرش بيا

تحدثت الفنانة عنايات صالح عن بدايتها الفنية، لافتة إلى أنها كانت تقدم دائما دور الأم لأنها كانت ترفض أدوار الإغراء.

وقالت عنايات صالح خلال لقائها في برنامج "قعدة ستات" من تقديم مروة صبري: "أنا بعمل دور الأم من وأنا عندي 25 سنة، لأني مولده في سيدنا الحسين وأبويا كان شيخ جامع مكنش ينفع ألبس مايوهات، بقيت بعمل دور الأم من وأنا صغيرة أوي لناس أكبر مني في السن، المهم أبقى لابسه محتشم، زمان كان يا توافقي تعملي أدوار فيها رقص ومايوهات يا تعملي أدوار الأمهات على قدك وأنا اخترت دا".

مخرج شهير يتحرش بالفنانة عنايات صالح

وأضافت: "اتعرض علي كتير أعمل أدوار إغراء وأنا طالبة في المعهد وموافقتش كنت خايفة من أهلي، وبقى دا أسلوب طول حياتي، اتعرض عليا دور يعتبر بطولة بس كان فيه أربع مشاهد في السرير أنا رفضت، أكيد لو كنت قبلت الأدوار دي كنت هبقى في مكان تاني".

وتابعت عنايات صالح: "أنا استبعدت من مسلسلات كتيرة جدا بسبب المعاكسات، وأنا طالبة في المعهد جيه مخرج من الكبار بتوع السينما وقالي تعالي إنتي هند رستم الجديدة، وقالي هنعدي نروح مدينة السينما يعملي تيست كاميرا، وبدأ يقولي عندك بطن عايزة تنزل شوية وبدأ يحط إيد على بطني وحاول يتحرش بيا".

واختتمت: "وأنا زعت واتخانقت معاه، ومخرج تاني كبير أوي طلب مني أروحله المكتب بتاعه عشان اقرأ السيناريو معاه واكتشفت أنه مش مكتب أنه بيته فمروحتش".