مرتضي يفتح النار علي الاهلي وشلبي وكريم شحاته ويشكو الاتحاد للفيفا

اكد مرتضي منصور رئيس نادي الزمالك انه تناقش اليوم مع رؤساء الاندية في ملف التحكيم ..وهاجم كريم حسن شحاتة قائلا " اوعي يا كريم تلعب بالنار!

واوضح مرتضي ان مجلس الزمالك لا يعرف حتي الان ملعب مباراة الفريق امام رينجرز النيجيري وهل المباراة في ملعب برج العرب ام السلام مشيرا الي ان هذه المباراة ستكون بدون جماهير

وشن رئيس الزمالك هجوم شديد علي عصام عبد الفتاح عضو مجلس الجبلاية طالبا منه ان يضع البيان الذي اصدره اليوم في سلة الزبالة

وقال مرتضي لعبد الفتاح " لو ماحترمتش نفسك هتسمع كلام كتير .. وعاوز اقوله بدل ما تعطي  نصايح لرؤساء الأندية توفرها لأعضاء اتحاد الكرة واهدي يا عصام المشكلة مش هتتحل بالبلطجة"

واشار رئيس الابيض الى انه كان يتوقع من محمد عبد السلام رئيس المقاصة ان يحضر لاعبه احمد سامي ويعقد مؤتمر  صحفي ويقول اللاعب ان الكره لم تأتي في يده

وفتح مرتضي النار علي مدحت شلبي وقال "اقول   لشلبي  حضرتك جبت قبل كدة لاعب وحلفته بالانجيل والقرآن والطلاق هات لاعب المقاصة  وحلفه ولا انت بمزاجك"

واكد منصور ان قرار الانسحاب من الدوري اصبح في يد الجمعية العمومية قائلا "لن يجرؤ احد علي ان ينزل الزمالك درجة ثانية "

وكشف منصور ان الزمالك اشتكي الاتحاد للفيفا بسبب كلام حازم الهواري علي ان الزمالك لن يحصل علي اي بطولة طالما هو موجود في الاتحاد مشددا علي ان حازم وسحر الهواري مكانهما السجن

في نادي لعب بأربع لاعيبة اجانب هذا الموسم وده اسمه ايه .. شغل الاستهبال ده مش عندي والكلام خلاص في الاتحاد الدولي

واعرب مرتضي عن استيائه الشديد من تدخل الاهلي في ازمة الزمالك مع القماصة علي الرغم من انه ليس طرفا في الازمة

وقال مرتضي " الأهلي العظيم قال انا مش هلعب الا لما الزمالك يلعب المؤجلات  وكله خرس وبقول لمحمود طاهر انت دكر اوعى تلعب اي ماتش الا لما نلعب المؤجلات وانا بقول اهو انا مش هلعب الدوري وشوف بقا هتاخدو الدوري ازاي انا بقول اهو معتقدش الاهلي العظيم هيرجع في كلامه "