الورقي
من رضا عبد العال لميتشو العيب على اللى جابوك الزمالك ولسة متمسكين بيك
تحدث رضا عبد العال، عن هزيمة الزمالك أمام إنبي بهدفين مقابل هدف في الدوري المصري، منتقدا الصربي ميتشو المدير الفني للفريق.
قال رضا عبد العال، في تصريحات عبر قناته الرسمية على يوتيوب: "الله يكون في عون جماهير الزمالك، ماذا فعل ميتشو في فترة التوقف؟ أين المدرب العالمي الذي تحدث عنه مجلس الزمالك وقال إنه تعاقد معه، انت عايز من جماهير الزمالك ايه يا ميتشو العيب مش عليك العيب على اللي جابوك، ومتمسكين بيك لحد آخر لحظة".
أضاف: "ميتشو ماشي مش كويس في دوري أبطال إفريقيا وكذلك الدوري، مش هلوم على أي لاعب، والمدرب ضعيف فنيا ويسد النفس، ولو ميتشو استمر الزمالك مش هيدخل في المربع الذهبي".
تابع رضا عبد العال حديثه قائلا: "ميتشو أهلك مصطفى محمد، وبيلعب من غير شكل أو سيستم، مفيش طريقة، وكان لازم مصطفى فتحي يدخل في المباريات بدري".
واختتم: "كام عرضية اتعملت للمهاجمين، مفيش، طب بتلعب ليه باتنين مهاجمين، وأين دفاع الزمالك محمود علاء والونش، التعادل كان أرحم من الهزيمة، محدش هيحاسبهم، ولا حد قالهم واقفين ازاي ميتشو حاجة تسد النفس ولازم يمشي من الزمالك".
