الورقي
حمو بيكا يتهم مسئولًا في «المهن الموسيقية» بالحصول على رشاوى.. ورد ناري من النقابة
أثار مطرب المهرجانات حمو بيكا، خلال الساعات الماضية، حالة كبيرة من الجدل، على مواقع التواصل الاجتماعي، عقب تداول مكالمة مسربة له مع شخص مجهول، تحدث معه فيها عن حصول أحد المسئولين بنقابة المهن الموسيقية على رشاوى من عدد من مطربي المهرجانات والأغاني الشعبية، لتقييدهم، ومنهم: «عنبة وتيخا».
وقال «حمو»: «أ. ر طالع في فيديو بيقول عنبة مقدم ورق مزور وشهادة جيش مزورة، وبعدها بأسبوع إداله كارنيه النقابة، ومعايا فيديو وصور وهو متصور في مكتبه وبيديله الكارنيه».
وأضاف: «أنا معايا نور التوت عايزين يدفعوه 20 ألف وتيخا دافع 20 ألف، وإسلام علي دافع الفلوس أول ما أحد الكارنيه قاللي أنا رايح أدفع للنقابة 15 ألف جنيه، وعاوزينه يجدد تاني يدفع 15 ألف جنيه تاني، وما أخدش إيصال بالفلوس اللي دفعها».
وتابع: «أنا اشتغلت 15 أو 16 أوردر في الساحل كنت بدفع إيصالات، الناس دي ما ادتنيش ولا إيصال، كنت بدفع 15 ألف جنيه، وكانوا بيبعتوا زينهم علطول يحصل الفلوس، وكان بياخد الفلوس مني أنا ساعات، ومن المحل اللي هغني فيه ساعات، ما كنتش بطلع ياريس غير لما المحل يدفع الفلوس، يا إما أنا أدفع الفلوس، والإيصال المفروض يجي للمطرب مش للمحل».
وأكمل حديثه: «إذا كان أنا اللي كنت بقوله أنا شغال في الحتة الفلانية، يقوللي هات الفلوس قبل ما تطلع، أكلم الناس أقولهم أدوله الفلوس، مش عايز يطلعني لما ياخد الفلوس، ولما جه حلمي قاله هات الإيصالات قاله هبعتهالك وبعد كده مابعتلوش حاجه، ونزلوني أوردرين، أورد في القاهرة وأوردر في الإسكندرية وماخدتش فيهم أجري».
كما أشار إلى أن: «(أ. ر) خلاني روحت مضيت على عقد بتاع فيلم مكتوب في العقد إن المفروض آخد نص المبلغ 250 ألف وما أخدتش ولا جنيه، وأخدني وداني البيت بيتك، تمثيلية البيت بيتك دي، صورت فيها وعملت فيها كل حاجه وما أخدتش برضه أجري».
وعندما سأله من يهاتفه إذا كان الأجر مدفوع من قِبل جهة الإنتاج أم لا، أوضح أن: «أيوه الأجر اتاخد آه، الناس كانوا عاطيينه ظرفًا، عطاني من الظرف ده 10 آلاف جنيه بس، وأنا أجري 70 ألف جنيه، وجم صوروا عندي في الاستوديو».
رد ناري من النقابة على اتهامات حمو بيكا:
من جانبه، رد أحمد رمضان، سكرتير عام نقابة المهن الموسيقية، على اتهامات حمو بيكا الموجهة إليه، وقال إنها «قلة أدب».
وشدد، خلال مكالمة هاتفية له ببرنامج «مصر جديدة» على قناة «ETC»، على أنه لن يترك حقه من حمو بيكا مهما كان، وأنه سيتخذ كافة الإجراءات القانونية ضده.
حمو بيكا يتهم النقابة بالظلم:
كان المطرب حمو بيكا، قال خلال لقاء سابق له ببرنامج «كلام الناس» على قناة «MBC مصر»، إنه يشعر بالظلم من قبل النقابة، بسبب سقوطه المتكرر في اختبارات الصوت، مشيرًا إلى أن هناك مطربين قاموا بتزوير الأوراق، وحصلوا على الكارنيه.
كما أوضح أن النقابة تطلب منه غناء أغاني صعبة لأم كلثوم وعبد الحليم حافظ، وأنه يريد تقديم أغاني مهرجانات.
وانهار «بيكا» في البكاء، وتابع أن الاختبارات لا ترضي الله، وأنه نفذ جميع طلباتهم سواء تغيير اسمه أو الغناء بفرقة، مؤكدًا على أنه يريد دخول النقابة بحب الجمهور، وليس بصوته، واصفًا نفسه بأنه «مؤدي».
وكشف حمو بيكا أنه رفع قضية ضد نقابة المهن الموسيقية والفنان هاني شاكر، بسبب تعمدهم إبعاده عن الغناء.
