الورقي
بعد أزمة «مكالمة الرشاوى»
«المهن الموسيقية» لـ«النبأ»: تقدمنا ببلاغ للنيابة العامة ضد حمو بيكا.. و«على المدعي البينة»
علق طارق مرتضى، المتحدث الإعلامي لنقابة المهن الموسيقية، على أزمة مطرب المهرجانات حمو بيكا، التي أثيرت، خلال الساعات الماضية، بعد اتهام الأخيرلأحد المسئولين بالنقابة، بتقاضي رشاوى من عدد من مطربي المهرجانات والأغاني الشعبية، لتقييدهم بها، ومنهم: «عنبة، وتيخا».
وقال «طارق» لـ«النبأ»، إنه تم تقديم بلاغ ضد حمو بيكا للنيابة العامة، وإنها ستواصل إجراءات التحقيق معه، موضحًا أن النقابة لن تحقق معه، لأنه ليس عضوًا بها من الأساس.
وتابع أن نقابة المهن الموسيقين لن تكف صامتة أو مكتوفة الأيدي أمام أي فساد أو اتهامات ظالمة، موجهًا رسالة لـ«بيكا» بأنه «على المدعي البينة».
حمو بيكا في ورطة جديدة بعد أزمة «مكالمة الرشاوى»:
وقال «حمو»، في المكالمة،: «أ. ر طالع في فيديو بيقول عنبة مقدم ورق مزور وشهادة جيش مزورة، وبعدها بأسبوع إداله كارنيه النقابة، ومعايا فيديو وصور وهو متصور في مكتبه وبيديله الكارنيه».
وأضاف: «أنا معايا نور التوت عايزين يدفعوه 20 ألف وتيخا دافع 20 ألف، وإسلام علي دافع الفلوس أول ما أحد الكارنيه قاللي أنا رايح أدفع للنقابة 15 ألف جنيه، وعاوزينه يجدد تاني يدفع 15 ألف جنيه تاني، وما أخدش إيصال بالفلوس اللي دفعها».
وتابع: «أنا اشتغلت 15 أو 16 أوردر في الساحل كنت بدفع إيصالات، الناس دي ما ادتنيش ولا إيصال، كنت بدفع 15 ألف جنيه، وكانوا بيبعتوا زينهم علطول يحصل الفلوس، وكان بياخد الفلوس مني أنا ساعات، ومن المحل اللي هغني فيه ساعات، ما كنتش بطلع ياريس غير لما المحل يدفع الفلوس، يا إما أنا أدفع الفلوس، والإيصال المفروض يجي للمطرب مش للمحل».
وأكمل حديثه: «إذا كان أنا اللي كنت بقوله أنا شغال في الحتة الفلانية، يقوللي هات الفلوس قبل ما تطلع، أكلم الناس أقولهم أدوله الفلوس، مش عايز يطلعني لما ياخد الفلوس، ولما جه حلمي قاله هات الإيصالات قاله هبعتهالك وبعد كده مابعتلوش حاجه، ونزلوني أوردرين، أورد في القاهرة وأوردر في الإسكندرية وماخدتش فيهم أجري».
كما أشار إلى أن: «(أ. ر) خلاني روحت مضيت على عقد بتاع فيلم مكتوب في العقد إن المفروض آخد نص المبلغ 250 ألف وما أخدتش ولا جنيه، وأخدني وداني البيت بيتك، تمثيلية البيت بيتك دي، صورت فيها وعملت فيها كل حاجه وما أخدتش برضه أجري».
وعندما سأله من يهاتفه إذا كان الأجر مدفوع من قِبل جهة الإنتاج أم لا، أوضح أن: «أيوه الأجر اتاخد آه، الناس كانوا عاطيينه ظرفًا، عطاني من الظرف ده 10 آلاف جنيه بس، وأنا أجري 70 ألف جنيه، وجم صوروا عندي في الاستوديو».
رد ناري من النقابة على اتهامات حمو بيكا:
من جانبه، رد أحمد رمضان، سكرتير عام نقابة المهن الموسيقية، على اتهامات حمو بيكا الموجهة إليه، وقال إنها «قلة أدب».
وشدد، خلال مكالمة هاتفية له ببرنامج «مصر جديدة» على قناة «ETC»، على أنه لن يترك حقه من حمو بيكا مهما كان، وأنه سيتخذ كافة الإجراءات القانونية ضده.
