الورقي
منى عراقي تحسم الجدل حول ارتباطها بـ«أيمن رشوان»: «مش هتجوز في السر تاني» (فيديو)
خرجت الإعلامية منى عراقي عن صمتها، وردت على الأنباء الكثيرة المتداولة حول زواجها من الإعلامي أيمن رشوان، وذلك في مقطع فيديو، عبر حسابها على موقع التواصل الاجتماعي «فيس بوك».
وقالت «منى»، وهي منفعلة: «إيه القرف ده.. إيه القرف اللي أنا فيه ده.. كل ده ليه.. إيه المهم الفظيع في قصة جوازي وارتباطي.. إيه كمية الاستفزاز دي.. أنا بقالي يومين وأكتر مبنامش.. عشان قررت أعلن عن حياتي الشخصية.. ولادي كبروا.. هخبي لية؟.. أنا مش عايزة أتجوز في السر تاني.. قالولي خلاص إحنا كنا صغيرين دلوقتي مفيش داعي.. قوليلنا».
وأضافت: «لما حد بيسألني بقول هتجوز قريب، هرتبط قريب، السؤال اللي دمر نفسيتي.. هو مين؟.. طيب في الوقت المناسب هقولكم.. أنت مالك.. أنا حرة.. أقول وقت ما أنا عايزة أقول.. وأقول إمتى وقت ما أنا عايزة أقول إمتى.. فضلوا يسألوا مين مين مين.. عشان حياته متبوظش وحياتي أنا هعلن في الوقت المناسب».
وأكملت: «روحت أسلم على أيمن وميلاد أبي رعد.. كلهم زمايلي وصحابي لكن دول أقرب ناس ليا في فرح سالي عبد السلام.. قالوا آه يبقى هو أيمن.. لقيت الخبر في الجرنال واتفاجئت زيي زيه.. أنا مكنتش متخيلة الموضوع يبقى بالأهمية دي.. براحتكم اهروا شوية وهتلاقوا هراية تانية وهتلاقوا حد يلهيكم».
وتابعت: «اللي عرفني الخبر صديقي ميلاد أبي رعد، قالي إلحقي عشان شافوكم بترقصوا في الفرح إنتي وأيمن قالوا إنكم متجوزين.. طلعت في فيديو وقولت مش أيمن.. ده صاحبي وأخويا وهو طلع ونفى.. تليفوني مش بيبطل رن بقاله 3 أيام».
وأكملت: «يعني إية جواز منى عراقي اللي بقالها سنة بعيدة عن الشاشة يبقى التريند الأول عربيًا، وتطلع قناة المفروض إنها محترمة ومهنية تقول مش الكدبة الأولى.. لية الهم ده.. ده أنا يانا عملت شغل ولا حد عبرني.. وياما عملت نجاحات ولا حد سأل فيا.. وياما كان عندي أزمات نفسية وصحية ومحدش قالي إنتي فين.. لية خبر جوازي يقلب الدنيا كدة.. أنتم مالكم؟».
وأنهت كلامها، وهي تبكي، قائلة: «أنا مش عايزة أقول هو مين.. وكل اللي يهمني أقوله إنه مش أيمن رشوان.. وقولت ده من ساعتها.. القصة تافهة.. وأنا تعبت.. وولادي تأذوا وحياتهم اتلغبطت.. مين هيجي يخلصني من التريند بتاعي ده».
منى عراقي تعلن عن زواجها:
كانت الإعلامية منى عراقي أعلنت عن زواجها، قائلة: «قولولي مبروك.. آه اتجوزت.. اسم يشرف أي حد.. لأسباب كتيرة تخصنا محبناش نعلن هو مين.. واتوترنا جدًا لما لقينا الخبر اتسرب بالمنظر ده.. أيمن أنا أعرفه من زمان.. بينا كيميا… لما الخبر اتنشرأيمن قالي اتصرفي خليهم يشيلوه.. وقولتله هتصرف».
أيمن رشوان ينفي زواجه من منى عراقي:
كان الإعلامي أيمن رشوان نفى خبر زواجه من منى عراقي، في مقطع فيديو، عبر حسابه على موقع «فيس بوك»، مؤكدًا على أنه كلام لا أساس له من الصحة، وأن «منى» أخته وصديقته فقط.
