الورقي
من واقع اتحقيقات النيابة
أقوال ابن صيدلي حلوان تكشف حقيقة وفاته بعد سقوطه من شرفة مسكنه
ننشر في السطور التالية الجزء الأخير من نص التحقيق مع ابن صيدلى حلوان، البالغ من العمر خمس سنوات، التي ترصد من خلال أقواله حقيقة واقعة وفاة الصيدلى جراء سقوطه من شرفة مسكنه، وما حدث داخل شقة صيدلى حلوان وخارجها في تلك الأثناء.
أقوال نجل صيدلى حلوان
س: ما صلتك بالمجنى عليه ؟ (أفهمناه)
نجل صيدلى حلوان: ولاء يبقى بابا ورماء تبقى مامتى.
س: وأين تقيم معهم تحديدًا ؟ (أفهمناه)
نجل صيدلى حلوان: أنا مقيم معهم فى قبلي علي شارع رايل كشرى المختار
س: ومنذ متى وانت تقيم معهم ؟ (أفهمناه)
نجل صيدلى حلوان: أنا ساكن معاهم هناك من ساعة ما اتولدت.
س: ومن المقيمين معك بالشقة ؟ (أفهمناه)
نجل صيدلى حلوان: بابا وماما.
س: وأين تقيم بالشقة تحديدًا ؟ (أفهمناه)
نجل صيدلى حلوان: أنا قاعد فى اوضتى اللي هى فى الممر اللي ليها مراية لونها أبيض.
س: ومن المترددين عليكم فى الشقة تحديدًا؟ (أفهمناه)
نجل صيدلى حلوان: أنا بيجى البيت عندنا ستوه أمال وعمتوا أسماء وعمتوا سارة وجدو حمدى وخالو عمر وخالو علي والكابتن بتاع السباحة سيف
س: وما هى بادرة إتصال علمك بالواقعة ؟ (أفهمناه)
نجل صيدلى حلوان:اللي حصل أن أنا صحيت الصبح ولقيت جدو حمدى وخالو عمر وخالو علي ومدرب السباحة بتاعى اللي اسمه سيف وماما رماء كانت موجودة وبابا ومحمد عصام وهما كلهم كانوا بيتخانقوا مع بابا عشان بابا متجوز علي ماما وبعدين بابا اتصل بريم، وقالها انا مش بحبك ومش عايز اكلمك تانى وبعدين ماما كلمتها وقفلت السكة وكانت الخناقة خلصت وبعديها بشوية طلبنا أكل فراخ ومكرونة وكفته وعيش بلدى وأنا كنت قاعد باكل برة مع ماما وجدوا ومحمد عصام وبعديها خالو عمر كان معاه عصاية دخل بابا الأوضة عند النيش وبعد كده سمعت صوت بابا بيقول سبني سبني وبعدين سمعنا صوت هبدة وبعدين بابا اترمى من البلكونة.
س: وأين كان يتواجد المدعو / محمد عصام حال تواجد والدك بالغرفة ؟ (أفهمناه)
نجل صيدلى حلوان: هو كان بياكل معانا وبعدين راح غسل ايده وبعد كده دخل الأوضة اللي فيها بابا اللي هيا اوضة السفرة وقعد شوية وطلع بعديها سمعنا صوت هبدة.
س: وما هى الفترة الزمنية التى قضاها المدعو / محمد عصام داخل غرفة السفرة المتواجد بها والدك ؟(أفهمناه)
نجل صيدلى حلوان: هو قعد شوية صغيرين وطلع قعد معانا فى الصالة.
س: صف لنا الشقة خاصتك؟ (أفهمناه)
نجل صيدلى حلوان: أول ما بتخوش من باب الشقة بتلاقى الصالة فى الوش بعد كده بتخش يمين فى طرقة بتلقي اوضتى بعد كده حمام بعد كده مطبخ بعد كده حمام بعد كده الاوضة اللى بلعب فيها بلاي استيشن بعد كده اوضة بابا وماما وفى وش الطرقة أوضة السفرة وفيها بلكونة.
س: ومن كان المتواجد مع والدك المتوفى إلى رحمة مولاه بداخل غرفة السفرة؟ (أفهمناه)
نجل صيدلى حلوان:مكنش فيه حد قاعد مع بابا فى غرفة السفرة بعد ما محمد عصام طلع.
س: وما هى الفترة الزمنية بين خروج المدعو/ محمد عصام من الغرفة وسماعك صوت سقوط المتوفى إلى رحمة مولاه ؟ (أفهمناه)
نجل صيدلى حلوان: انا مش عارف الوقت ده قد ايه
س: وهل ابصرت قيام احد بالقاء والدك المتوفي إلى رحمة مولاه ؟ (أفهمناه)
نجل صيدلى حلوان: انا حسيت فى دماغى أن محمد عصام هو رماه لكن انا ماشوفتوش وهو بيرميه.
س: وأين كنت تتواجد لحظة سقوط والدك تحديدًا ؟ (أفهمناه)
نجل صيدلى حلوان: انا كنت قاعد فى الصالة باكل فراخ وكفتة ومكرونة وعيش بلدى.
س: ومن كان المتواجد معك انذاك حال تناولك الطعام؟ (أفهمناه)
نجل صيدلى حلوان:ماما وعمو محمد عصام وجدو حمدى وبابا كان فى اوضة السفرة.
س: ومن الذي كان يتناول معك الطعام فى الوقت السابق ؟ (أفهمناه)
نجل صيدلى حلوان:جدو وماما ومحمد عصام وأنا.
س: متى تحديدًا سمعت صوت الهبدة ؟ (أفهمناه)
نجل صيدلى حلوان: وأنا باكل.
س: وهل أبصرت مصدر ذلك الصوت ؟ (أفهمناه)
نجل صيدلى حلوان:انا بصيت أنا وماما من الشباك لقيت ناس كتير متلمية تحت.
س: وما هو مصدر ذلك التجمع تحديدًا ؟ (أفهمناه)
نجل صيدلى حلوان:عشان بابا كان واقع من البلكونة.
س: وهل تناول والدك الطعام حتى وجودكم بالصالة؟ (أفهمناه)
نجل صيدلى حلوان: لا بابا مأكلش معانا.
س: وما الذي دعاه لعدم تناول الطعام معكم؟ (أفهمناه)
نجل صيدلى حلوان:عشان هو اتخانق مع ماما علي فلوس.
س: وما هو طبيعة ذلك الخلاف تحديدًا؟ (أفهمناه)
نجل صيدلى حلوان: عشان ماما قالتله انتا خدت الفلوس بتاعتى بعد لما اتخانقوا الصبح.
س: وما هى طبيعة الخلاف فيما بينهم صباح يوم الواقعة؟ (أفهمناه)
نجل صيدلى حلوان:زى ماقولت قبل كده أن هما اتخانقوا مع بعض واتخانقوا قبل لما الأكل يجي عشان موضوع الفلوس.
س: وهل أبصرت أحد يقوم بالتعدى بالضرب علي والدك المتوفى إلى رحمة مولاه؟ (أفهمناه)
نجل صيدلى حلوان:ماما ضربته بالمقشة ساعة ما اتخانقوا علي الفلوس.
س: وما طبيعة ذلك الخلاف المالى؟ (أفهمناه)
نجل صيدلى حلوان: عشان ماما كانت بتقول إنى بابا اخد منها فلوس.
س: وما قولك فى الطلب المقدم من الاستاذه وسام جمال بيومى – والتى ذكرت فيه بالبند رابعًا من انك قمت بالإشارة علي أحدى المتهمين معللًا ومعلقًا (ده اللى رمى بابا من البلكونة) ؟ (أفهمناه)
نجل صيدلى حلوان: شاورت علي محمد عصام وهو فى النيابة وقولت ده اللى رمى بابا بس أنا ما ماشفتوش انا حسيت.
س: وهل أبصرت قيام المدعو محمد عصام بإلقاءه من الشرفة؟ (أفهمناه)
نجل صيدلى حلوان:لا أنا حسيت.
س: وما مدلول كلمة (حسيت) بالنسبة لك والتى قررتها بتحقيقات النيابة العامة؟ (أفهمناه)
نجل صيدلى حلوان: أنا معرفش بس أنا ماشوفتش حد بيرمى بابا وده اللى بيدور فى دماغى.
ملحوظة:- تم سؤال الطفل فى حضور جدته لأبيه ولم تغادر غرفة التحقيق منذ دخولها وعقب الإنتهاء من التحقيقات يوقع منها بالحضور علي أقوال الطفل. تمت الملحوظة.
الجزء الثالث
س: وهل قام أحد بدفع والدك داخل غرفة السفرة ؟ (أفهمناه)
نجل صيدلى حلوان: ايوه محمد عصام قبل ما يغسل ايده.
س: وهل كان متواجد كلًا من المدعو علي وعمر ومهاب وسيف – داخل المسكن حال سقوط والدك؟ (أفهمناه)
نجل صيدلى حلوان: ماما وأنا وجدوا ومحمد عصام وبس اللى كانوا موجودين ساعة ما بابا وقع.
س:قررت بتحقيقات النيابة العامة إنه حال تواجد والدك بغرفة السفرة سمعت صوته سبني سبني فى حين انك قررت إنه كان بمفرده ؟ (أفهمناه)
نجل صيدلى حلوان: هو قال كده ومحمد عصام بيدخله الأوضه.
س: وأين يتواجد سالفى الذكر؟ (أفهمناه)
نجل صيدلى حلوان:هما كانوا معانا ونزلوا قبل ما بابا يقع.
س: وهل ابصرت قيام احد بإحتجاز المجنى عليه؟ (أفهمناه)
نجل صيدلى حلوان: ماما كانت بتقوله مش هتنازل غير لما تتطلق ريم.
س: وهل تعدت عليه بالضرب آنذاك؟ (أفهمناه)
نجل صيدلى حلوان:لأ هى كانت بتاخد منه التليفون فى الوقت ده علشان يكلم ريم ويطلقها.
س:وما قولك فيما قررت بتحقيقات النيابة العامة المؤرخة 27/9/2022 (تلوناه عليه تفصيلًا)؟ (أفهمناه)
نجل صيدلى حلوان:أنا حكيت لعمو اللى لابس زيك اللي حكتهولك.
س: وهل توجد ثمة علاقة أو خلافات فيما بينك وبين كلًا من المتهمين؟ (أفهمناه)
ج: لا انا بحب ماما وسيف ومهاب وخالو عمر وخالو علي.
س: هل لديك أقوال أخرى؟ (أفهمناه)
ج: لأ. تمت أقواله وتوقع منها / امال العيسوي محمد عبدالعال
ملحوظه:- سألنا الأستاذ نشأت محمد المحامى الحاضر التحقيقات عما إذا كان لديه ثمة طلبات بشأن الطفل حاليًا فأجاب سلبًا وإنه تم التحقيق معه فى حضوره وحضور جدته لأبيه / آمال العيسوى محمد
الجزء الأخير
س: قررت بتحقيقات النيابة العامة قيام والدتك بضرب والدك بإستخدام آداة (مقشة) فكم عدد مرات ضربها؟ (أفهمناه)
نجل صيدلى حلوان: هى ضربته كتير حوالى عشر مرات بالمقشة.
س: واين استقرت تلك الضربات؟ (أفهمناه)
نجل صيدلى حلوان:هى ضربته فى رجله.
س: وما قولك فيما قررت بمستهل التحقيقات من أن المدعو عمر قام بإدخال والدك داخل الغرفة وقررت بنهاية التحقيقات ان المدعوى محمد عصام هو من أدخله داخل الغرفة فمن تحديدًا الذي أدخله الغرفة؟ (أفهمناه)
نجل صيدلى حلوان: هو اللى دخل بابا الأوضة هو (محمد عصام).
س: ومن الشخص القائم بمسك العصا التى قررتها فى مستهل التحقيقات؟ (أفهمناه)
نجل صيدلى حلوان: هو خالو عمر.
س: وهل قام بالتعدى علي والدك بالعصا؟ (أفهمناه)
نجل صيدلى حلوان: لأ خالو عمر مضربوش بيها.
س: هل لديك اقوال اخرى ؟ (أفهمناه)
ج: لأ. تمت أقواله وتوقع منها / آمال العيسوى محمد عبدالعال.
