الورقي
أحمد موسى ينفعل على الهواء بسبب ارتفاع أسعار الفول والطعمية والكشري.. فيديو
ناقش الإعلامي أحمد موسى في حلقة الليلة من برنامجه على مسئوليتي، المذاع على قناة صدى البلد، مسألة ارتفاع الأسعار، خاصة الأكلات الشعبية، مثل: الفول والطعية، التي وصل سعر السندويش منها إلى 8 جنيهات.
ارتفاع أسعار السلع
وانفعل أحمد موسى على الهواء قائلا: “قرص الطعمية اللي كان بجنيه، بقى بـ2 جنيه، وقرص الطعية المحشية بقى رفاهية، بعدما وصل سعره إلى 4 جنيهات، وساندوتش الفول وصل 8 جنيهات، إزاي نرفع الأكلات الشعبية كدا، وعندنا 140 ألف طن فول في الموانئ، طيب ما نفرج عنها، علبة الكشري اللي بـ10 جنيهات وصلت لـ25 جنيها، طلب الفول على العربية وصل 25 جنيها”.
وأكد أحمد موسى، أن سعر كيلوجرام البن ارتفع 50 جنيهًا، والكبدة البرازيلي المستوردة وصلت إلى 120 جنيهًا، وهي نماذج لأسعار السلع المرتفعة، كما ارتفعت أسعار العدس إلى 50 جنيهًا للكيلوجرام، وهو أغلى من سعر كيلو السمك البلطي.
وشدد أحمد موسى على أنه لا بد من تشديد الرقابة على الأسواق لمواجهة ارتفاع الأسعار وتفاوتها، مطالبًا بوجود سعر عادل للسلع من أجل المواطنين البسطاء، في ظل تحمل الدولة مئات المليارات دعمًا للفئات الأولى بالرعاية.
وتابع أحمد موسى: "أنا يا جماعة مش باتكلم في غير الفول والطعمية والكشري، مجبتش سيرة حاجة تاني، دا في واحد من الناس بيقولي البيضة بـ3 جنيهات، وغيره قالي بـ3 وربع، وواحد تالت قالي البيضة المسلوقة بـ8 حنيهات".
