الورقي
يسرا: فقدت طفلين في جوازتي الأولى.. وبحمد ربنا إني مخلفتش
كشفت الفنانة يسرا عن عدم حزنها من عدم إنجابها، مشيرة إلى أنها تحمد الله على ذلك، وأنها تعتبر زوجها «خالد» ابنها وكل شىء في حياتها.
وقالت، خلال لقائها ببرنامج «نواعم» على قناة Mbc 1، إنها في الثلاثينات من عمرها، كان لديها طاقة حب وعطاء كبيرة وإنها كانت تتمنى أن تنجب بشكل كبير جدًا، موضحة أنها فقدت طفلين في زيجتها الأولى.
وتابعت: «لما اتجوزت خالد قولتله نخلف ملقتوش مبسوط من الموضوع دا وقال نشوف.. قولت مش عاوز يخلف مني وسألته إن كان قلقان من إني مكونش أم كويسة قالي أنت الست الوحيدة اللي أتمنى أخلف منها لكن الزمن اللي هنخلف فيه على بال ما يكبر بعد 20 سنة هتبقى حياة مختلفة».
وأضافت: «قالي مش هيشوفوا اللي إحنا شفناه هتبقى حياتهم أسرع وسطحية وأنا مش عاوز أشوف عيالي كده، وأنا بعد فترة اقتنعت وبقول الحمد لله إني مخلفتش».
كما وجهت يسرا رسالة إلى السيدات، بقولها: «إوعوا تزعلوا من قدر ربنا مديهولكم.. قدر أنتم مش حاسين بيه، مع الوقت تخطيت الشعور وبالتجارب شفت ناس فقدوا أولادهم ومش قادرين يعيشوا وشفت ناس أولادهم عاصيين ليهم معرفش إيه ممكن كان يحصلي ممكن مكنش استحمل إن يكون عندي طفل ويموت وبالنسبة لي خالد هو حياتي وابني وجوزي ربنا عوضني وبقول للي مخلفش ميزعلش واللي خلف يحمد ربنا».
