الورقي
رمت كلبها المكسور في الشارع.. الراقصة هندية تسب منتقديها: «أنا حرة.. جاتكم الأرف» (شاهد)
أثارت الراقصة المعتزلة هندية، خلال الساعات الأخيرة، حالة واسعة من الجدل على مواقع التواصل الاجتماعي، بسبب كلبها.
بدأت القصة بمنشور للفنانة سارة نخلة، عبر حسابها على موقع التواصل الاجتماعي «فيس بوك»، تضمن مقطع فيديو للراقصة هندية، وهي تترك كلبًا في الشارع.
وعلقت «سارة» بقولها: «الراقصة دي اسمها هندية، يوم ما كلبها رجله اتكسرت، راحت رمته في الشارع، مش قادر يتحرك عديمة الضمير، حسبنا الله ونعم الوكيل فيكي يا شيخة أشوف فيكي يوم، وليها عين تشتم أي حد بيدخل يكلمها».
وتابعت: «إيسما خدت الكلب ووصل العيادة وبيعمل أشعة ويارب نتطمن عليه قريب.. شكرًا إيسما.. آخر فيديو وهي بتبجح وتشتم الناس وتقل أدبها.. ضحكتني أوي والله بتقول لواحدة ده أنا ستك يا خدامة أنتي».
وأكملت: «عايزة اقولك يا هندية يا رقاصة .. مفيش حاجة اسمها خدامة هي اسمها المساعدة وتاني حاجة كفاية إنها بتشتغل بشرفها.. ادخلوا اتفرجوا على الرقاصة لما تردح».
الراقصة هندية ترد على منتقديها: أنا حرة
من ناحيتها، ردت الراقصة هندية على منتقديها، في مقطع فيديو، وقالت: «عاملين فيها أنكم رحماء، وعندكم رحمة، أنهي رحمة دي؟، أنا رميت الكلب في الشارع.. في حاجة؟».
وأضافت: «مين ليه عندي حاجة؟ أنا حرة.. رميته في الشارع..هجو كنت جيباه من أكتوبر عشان أوديه لـ دكتور هنا، أنتم هتحاسبوني؟ أنا حرة.. انشروها في كل حتة ودوها الدول العربية والأوروبية.. أنا حرة».
هجوم حاد على الراقصة هندية:
وتعرضت الراقصة هندية إلى موجة شديدة من الانتقادات والهجوم، وجاءت التعليقات كالآتي: «حسبي الله ونعم الوكيل»، و«منك لله»، و«ده روح وهتتحاسبي عليه».
