الرئيس السيسي: نسابق الزمن علشان الـ3.5 مليون فدان يدخلوا الخدمة بأسرع وقت

أكد الرئيس عبدالفتاح السيسى، إن القيمة المضافة للغاز الطبيعى أفضل من بيعه بشكل مباشر، معلقا:" الغاز الطبيعى أفضل استخدام ليه مش إنك تبيعه، أنه يخش فى الصناعة ويعمل قيمة مضافة.. ولما أخدنا قرار إنتاج الأسمدة الأزوتية أخدنا 4 سنين علشان نفتتح المصانع دى بالاشتراك مع الشركات اللى بتعتبر أفضل الشركات فى العالم فى هذه المجالات".
وأضاف الرئيس عبدالفتاح السيسي خلال افتتاح مجمع الأسمدة الأزوتية في العين السخنة: “كنا ضاغطين فى التوقيت علشان ننجز المهمة في أسرع وقت، وفيه ناس بتقول انتوا ليه مش مهتمين بالصناعة؟.. علشان هناخد وقت وكلفة كبيرة.. 800 مليون دولار كلفة المجمع ده رقم كبير علشان تعمل مصانع كبيرة تحقق بيها حاجاتك اللى انت عاوزها ويبقى فيه جزء للتصدير هياخد وقت.. ننتبه إحنا كان عندنا أولويات”.

وتساءل الرئيس عبدالفتاح السيسى: "هل أقدر أعمل مصنع زي كده غير لما يكون عندي طاقة كهربائية وغاز؟ رد بالقول: "مش ممكن".
وحول مشروعات الأراضى الزراعية الجديدة قال الرئيس عبدالفتاح السيسى: "3.5 مليون فدان بنسابق الزمن علشان يخشوا الخدمة في اسرع وقت ممكن.. الـ3.5 مليون فدان هل مصر خلال 40 سنة فاتت عملت برنامج لـ 3.5 مليون فدان؟.. بنتكلم بما يرضى الله ومقصدش حاجة علشان كده بقول خد الناس تشوف بقى.