تفاصيل شكاوى العملاء من توقف محافظ فودافون كاش

اشتكى عدد من عملاء فودافون، من توقف محفظة فودافون كاش منذ 5 مارس الماضي، مطالبين بتفعيل هاشتاج #مقاطعة_ڤودافون #فلوسنا_ترجع.

حقيقة وقف خدمات فودافون كاش

السيناريوهات المتوقعة لرفع أسعار خدمات شركات المحمول

وقالت هند البنا، أحد عملاء فودافون كاش، إن مشكلة توقف فودافون كاش منذ 5 مارس والألاف الناس تعاني دون سبب واضح دون ما أحد يقول أي مبرر.

وأضافت: «وخدمة العملاء بتقول  في حركات نصب وإحنا بنأمن محافظكم، ولما تكلم 7001 يقولك كلم الجهاز المركزي لتنظيم الاتصالات 155 تكلم 155، في الأخر يقولوا لحماية المحافظ وحمايتكم».

وتابعت: «في ناس حرفيا ظروفهم لا تسمح أنك تقفل في فلوسهم وخصوصا لو فلوس شغل غير سمعته وسط الناس كل ناس تقولك ليه اتقفلت محفظتك أنت بالذات وأنا محفظتي شغالة».

وواصلت: «ياريت يبقي في رد رسمي تخرج علينا تفهمنا فى أيه، وخصوصا أني لا انتمي لأي نشاطات مشبوهة، أو أي تطبيقات مخالفة للقانون، ونرجو فك المحافظ المغلقة وإرجاع فلوسنا لينا».

كما اشتكي شحاته جاد، من توقف محفظة فوادفون كاش، قائلًا: «الناس  اللي موقوف محفظتها حالتها غير ميسرة، والمحفظة والأموال مع شركة فودافون، وإحنا أشخاص لو تأخر مرتبها مش هتلاقي تأكل ويجب على فودافون كاش وشركة فودافون تشغيل محافظ الناس».

وقال خلف هلال: «انا مواطن مصري لا عليا قضية ولا حكم ولا عمري عملت مشكلهة ولا ليا علاقة بمنصات السرقة ولا بمنصه هوج بول ومعرفتش بالمنصات دي غير بعد قفل محفظتي ومكنتش أعرف محفظتي مقفوله أصلا».

وأضاف: «اتصلت بفودافون كاش 7001 اتبلغت اني اتصل بجهاز القومي لتنظيم الاتصالات اللي أول مره اسمع عنه أصلا مش عارفه كان فين لما رصيدنا بيتسرق، ودايما الشركات بتلعب بينا كلمت 155 بلغوني أنه اتقفل».

وتابع: «والرد دايمًا كلام غير واضح معظم كلامهم الغلق لتامينك يعني تأمني تخليني أجوع تأمن فلوسي وأنا اشحت علشان أمشي الشهر ومعاملة وحشة منهم ويقصروا في الكلام علشان منتكلمش وإحنا ساكتين».

وواصل: «أنا بناشد برد يكون واضح وأنا مواطن وحقي الطبيعي لما أكون شايل مصاريف أعرف اسحبها أي وقت ما دام شايلها معايا وقريبة مني أكيد هكون محتاجها».