الورقي
سليمان عيد يعلق على أنباء خلافه مع السقا: ما أحبش أكلم حد ومايردش
تحدث الفنان سليمان عيد، عن أنباء الخلاف بينه وبين الفنان أحمد السقا التي يتداولها البعض، مؤكدًا أن علاقتهما جيدة لاسيَّما وأنهما عشرة عمر، وتجمعهما الكثير من الذكريات.
سليمان عيد: مش بـ أحب أكون مزعج لأصحابي
وأضاف «عيد» خلال لقاءه في برنامج «كلام الناس» مع ياسمين عز: "مافيش خلاف بيني وبين أحمد السقا والكلام دا مش حقيقي، وهو كان بيعمل سيدتي الجميلة وكان معاه علاء مرسي وعلاء كان عنده ظروف وارتبط بحاجات تانية؛ فكلمني أيمن بهجت قمر وطلبني أقدم الدور لأن علاء سابه ووافقت، ولكن لما ظروف علاء اتحسنت رجعته للدور وسبته".
وتابع: "أنا مش بـ أحب أكلم حد كتير دون سبب ومش بـ أحب لما أكلم حد ما يردش علي، ويمكن زمان ماردش علي مرة ومافيش حاجة بيني وبينه وهو استقبلني حلو جدًا في المسرحية ورجعت علاء للدور لما ظروفه اتحسنت".
سليمان عيد: أنا صاحب نجوم من أيام عادل إمام لحد أصغر الأجيال
وقال الفنان سليمان عيد: "مش بـ أحب أكون مزعج لأصحابي وفي العيد بكلمهم وفيهم اللي بيرد وفيهم اللي مش بيرد واللي مش بيرد مش بزعل منه واللي بيرد بـ أعزه جدًا وبـ أكون فرحان ومش بـ أكون عاوز حاجة من حد خاصة لو كنت قاعد في البيت مش بشتغل، وأنا صاحب نجوم من أيام عادل إمام لحد أصغر الأجيال وعمري عمري ما قلت لزميل عاوز أشتغل".
واختتم سليمان عيد حديثه في هذا الشأن، قائلًا: "أحمد عشرة عمر وذكرياتنا مش بتتنسي والحياة مشاغل وحياتنا شغل ومن فترة قريبة كنت عاوز أروح لدكتور العيون صاحبه وصاه علي وصاحبي جدًا".
