الورقي
محمد رمضان: السر نجاحي ما توفيقي إلا بالله وأتابع الجمهور زي مابيتابعني
كشف الفنان محمد رمضان، عن سبب حضور الدورة الثانية من مهرجان القاهرة للدراما، المقام الآن في مدينة العلمين الجديدة.
محمد رمضان: بـ أتابع الجمهور زي ما بيتابعني
وبحسب «رمضان»، في تصريحات تلفزيونية: "العلمين سبب وجودي النهاردة، وكل الجوائز اللي خدتها اعتذرت عن استلامها، وعايز أجي اتبسط بالعلمين، ومبسوط بالمدينة أكتر من المهرجان، ومش مصدق الكلام ده أتعمل أمتى، وفخور بوجود هذه المدينة على أرض مصرية".
وبشأن الجزء الثاني من مسلسل «جعفر العمدة»، قال محمد رمضان: "والله أكيد لو مكنش نجح مش هنفكر في جزء ثاني، وكان في دماغنا، واللي شجعنا نجاح المشروع، وإن هو لمس الجمهور بشكل كبير، وحقق نجاح على المستوى العربي، نجاح مبسوط بيه جدًا، والسر في النجاح ما توفيقي إلا بالله، بنجهتد ونخلص في الشغل، ونخاطب عقول الناس، وهما يصدقونا".
وأضاف الفنان محمد رمضان: "أنا قولت أكتر من مرة إني بتابع الجمهور زي ما بيتابعني، وبحاول أشوف اللي عاجبهم وإيه اللي مش عاجبهم، والحفاظ عليهم شيء مش سهل، وكل سنة الجمهور بيختلف وفكره بيختلف، وطول الوقت بنتطور معاه، وأكيد طبعًا من أول يوم وأنا حاسس بالمسئولية، ولمست إن ربنا إداني نجاح يؤثر في الناس، وربنا يقدرني على تحمل هذه المسؤولية".
يُشار إلى حضور صناع مسلسل «جعفر العمدة»، على رأسهم محمد رمضان، والمخرج محمد سامي وهالة صدقي.
