الورقي
حورية فرغلي: رجالة أصغر مني بيحبوني وماحبتش بعد خطيبي من 2002
تحدثت الفنانة حورية فرغلي، عن مأساتها بعد رحيل خطيبها قبل زواجهما، وكشفت عن أسرارًا جديدًا بحياتها.
حورية فرغلي: بـ أدور على راجل شبه خطيبي الراحل مش لاقية
وبحسب «فرغلي»، خلال تصريحات تلفزيونية، إن كثيرًا ممن يحبونها رجالًا أصغر منها بالعمر، وقالت: "ما حبتش حد من 2002، من بعد ما خطيبي اتوفى قبل جوازنا، مع إني سايبة نفسي خالص بس، خطيبي اللي مات كان 175 كيلو، وكان عنده مشكلة في رجله الشمال، ومع ذلك كنت بـ أشوفه أحلى راجل في الدنيا".
وأضافت الفنانة حورية فرغلي: "كنت بـ أبص على اللي جوة، كل اللي برة هيروح، مش عايزة أشوف شكله، كفاية نكته اللي بتضحكني، وجوده في المكان، ريحة برفانه، من ساعتها بدور على راجل زيه مش لاقية".
حورية فرغلي: قضيت سنتين مع خطيبي ماضايقنيش
وتابعت: "قضينا سنتين مافيش بينا ولا خناقة وماضايقنيش، كنت لما بـ أكسب في الفروسية ألاقيه جايبلي تورتة وبيحتفل بي، طب أنا شوفت الحب دا وعاشرته عشان في الآخر يتاخد مني؟ طبعا ربنا اللي عايز كدا بس ساعات بسأل نفسي".
واختتمت حورية فرغلي، حديثها، قائلة: "أنا بـ أتحَب كتير من رجالة بـ اتصدم لما بـ أعرف سنهم، بيبقوا أصغر مني بكتير، وواحد كان لسة بيبعتلي مسدجات حب كتير وفي الآخر عرفت إن عنده 22 سنة، قلت له قولي طنط يا روحي، راح قالي العمر مجرد رقم، وأنا عامةً ماعنديش صحاب، ماحدش بيعزمني على حاجة، لو حد عزمني هروح".
