الورقي
لقنته الشهادة.. شقيقة أحمد سامي العدل تروي تفاصيل لحظة وفاته
كشفت رشا سامي العدل، ابنة الفنان سامي العدل، تفاصيل وفاة شقيقها «أحمد»، الذي رحل، أمس السبت، بعد إصابته بأزمة قلبية مفاجئة.
وكتبت، عبر حسابها على موقع التواصل الاجتماعي «فيس بوك»: «قاعدين على البحر في دهب في ساعة غروب بنضحك وبنعيط سوا ونشتكي لبعض أد ايه أبونا وحشنا وأد ايه الحياة من غيره صعبة فضفضنا لبعض ووعدنا بعض بحاجات كتير.. رجع القاهرة علة وعد بلقاء قريب نتجمع فيه تاني».
وتابعت: «وجه اللقاء بعد مكالمة تليفون الحقي أخوكي تعبان في المستشفى جريت عليه لقيت التعب والألم زايدين على عمره عمرين مش عارف يتنفس وكلامه بصعوبة قعدت أكلمه وأضحكه وأحاول أهون عليه شوية وأسيبه يرتاح شوية.. وفي عز محاولاتي نقله لمستشفى تاني فقد نبض قلبه لثواني قدامي اتخضيت الدكاترة طمنوني وقالوا مفيش حاجة أهو زي الفل بس قلبي وجعني».
وأضافت: «لقيتني بقول له عايزاك تسبح وتقول الشهادة معايا وتفضل تقول كل القرآن اللي أنت حافظه يا دوبك لفيت ظهري ولسة هخرج أشوف موضوع الإسعاف ونقله لقيت دكاترة وممرضين في كل حتة حوالين أحمد بيحاولوا ينعشوه ٣٨ دقيقة على الساعة محاولات وأنا واقفة قدامه قلبي بيتقطع وروحي أنا بتطلع مني ماسكة في خيط أمل من الدخان اتقطع بـ آخر نفس منه.. وراح أحمد، أخويا الصغير الطيب الحنين الهادي».
شيعت جنازة أحمد سامي العدل، من مسجد الفاروق بالمعادي، إلى مقابر الأسرة، ليلحق بوالده، الذي توفي عام 2015، إثر إصابته بهبوط حاد في الدورة الدموية، نتيجة ضعف عضلة القلب.
ومن المقرر أن يكون العزاء غدًا الإثنين، بمسجد الشرطة بالشيخ زايد.
