ما حكم كتابة قائمة الزواج بأسعار مختلفة عن وقت الشراء ؟ عمرو الورداني يجيب

ورد سؤال إلى الشيخ عمرو الورداني، أمين عام الفتوى بدار الإفتاء المصرية، عن حكم كتابة قائمة الزواج بأسعار مختلفة عن وقت الشراء من متابع لبرنامجه يقول: «اشتريت جهاز عروسة، هل أكتب القايمة بسعر اليوم ولا بسعر يوم كتب الكتاب؟».

وقال «الورداني»، خلال برنامج «ولا تعسروا»، عبر قناة مصر الأولى، اليوم الأربعاء، إنه يجب كتابة قائمة المنقولات الزوجية بالسعر الحقيقي لهذه الأشياء.

وأضاف: «إنت عايز تكتب قايمة ومفيش حاجة تم شراءها!! لأ، الصحيح لو هتكتب القايمة تكتبها بسعر يوم ما كتبتها».

حكم كتابة قائمة الزواج بأسعار مختلفة عن وقت الشراء

وتابع أمين عام الفتوى: «تكتب بسعر اليوم اللي انت كتبت فيه القايمة، لأن ده اليوم اللي انت بتقول فيه إن الجزء ده من مهر المرأة، وإن ده حق المرأة، يطلع يوم كتب الكتاب أو غيره أو زي ما يطلع».

وأكمل: «ولو كتبته بسعر اليوم أو بسعر يوم كتب الكتاب، ليس فيه أي شيء، لأن ده إنت بتقر بشيء حق للزوجة عليك، لكن الأصوب تكتبه بسعر اليوم اللي انت كتبت فيه القايمة».