بتغني إزاي وفلسطين بتتضرب.. رامي صبري يرد على هجوم الجمهور "عاريا" (صور)

خرج الفنان رامي صبري، عن صمته من خلال بث مباشر على حسابه الرسمي على موقع "إنستجرام" ووجه رسالة لمنتقدي إحيائه حفلات في ظل الظروف التي تمر بها فلسطين.

وظهر رامي صبري في حمام السباحة "عاريًا" وتحدث قائلًا: "بشوف تعليقات لما باجي انزل فيديو الأسبوعين اللي فاتوا على حفلات حضرناها بشوف تعليقات غريبة مش فاهم ز إنت بتغني إزاي وفلسطين بتتضرب إحنا أكيد مع فلسطين وضد الضرب وضد الناس اللي بتموت".

رامي صبري يرد على منتقديه

وأضاف رامي صبري: "لكن مش هتقف على شغلنا ونفضل قاعدين ناكل ونشرب وننام واللي بيكتب كده بيكتب على أساس إيه دا شغلنا وكاتبين عقود إنترناشونال ومش عقود صغيرة نقدر إننا منشتغلهاش مش عايزنا نعمل حفلات ومش عايزنا نغني دا شيء غريب، بزعل لما بلاقي الناس بتفكر كده لكن معنديش حل".

رامي صبري يخرج عن صمته

وأوضح خلال البث المباشر: "فلسطين بتضرب من قبل ما إحنا نيجي في الدنيا يعني نعمل إيه أه لازم نقف ونعمل اللي علينا وممكن نغني وندفع فلوس ليهم ونتضامن لكن نوقف شغلنا هنعمل إيه؟ هل إنت مش بتتفرج على الماتشات اللي شغاله مش بتدفع فلوس تروح تتفرج في الاستاد على الزمالك والأهلي مش بتتفرج على ليفربول ومحمد صلاح، مش بتخرج وتعيش حياتك؟ طيب بتخرج ليه ما دام فلسطين بتضرب وبتموت يعني هنموت إحنا كمان".

واختتم رامي صبري حديثه قائلًا: "مش موضوع رزق مفيش حاجة في المزيكا اسمها كده إحنا كاتبين عقود وشروط جزائية كبيرة، هل نقف عشان نبقى كويسين من وجهة نظركم مش دا التضامن، ما ممكن نعمل حفلة وادفع عائدها لفلسطين، قضية فلسطين مش هتقف لو أنا بطلت غناء".