عمرو أديب: كفاية كدا إنجازات.. واللي هيقدر ينزل الأسعار هنعمله تمثال

قال الإعلامي عمرو أديب، إن المطلوب حاليًا أن تستقر الأسعار كما هي في السوق وعدم زيادتها مرة أخرى، معقبًا: “كفاية كدة إنجازات.. اللي يقدر ينزل الأسعار هنعمله تمثال، حقيقي لو حد قدر يعمل كدا هيبقى على قلبي زي العسل”.

وأضاف عمرو أديب خلال برنامج "الحكاية" المذاع على قناة "أم بي سي مصر": "أنا هاممني أن ألقى السلعة متوفرة وأن مش كل يوم تزيد؛ الإنجاز بالنسبالي أن الأسعار متعلاش أكتر من كده؛ في ناس تقولك الإنجاز أن الأسعار تنزل أو الدولار ينهار؛ أنا نظرتي كفاية كده وكل اللي عايزه نحافظ على الأمور تحت السيطرة".

وتابع: "سعر الدولار يهدي شوية وأسعار السوق تهدي شوية؛ كل الاخبار المتواردة هذه الأيام تدل أن في حد عامل حاجة والمتوقع ان الحاجة دي تعمل تأثير؛ الحاجة دي جاية معرفش؛ قد إيه معرفش هتقدر تخلي الأسعار تنخفض؟ معرفش".

واستكمل: "كل واحد يقابلني يقولي مش عايز تقولنا كلمة حلوة؟ ماشي كلمة حلوة هناك بعثة للصندوق هتقعد معاك من غير أي شروط؟ ولكن بما أن كل الناس مستبشرة انا معاك".

وأوضح: "طيب النتيجة ايه؟ هتبيع حاجة هتجيب فلوس؟ انا مع البيع لو في حاجة تقدر تبيعها وتجيب فلوس اهلا وسهلا؛ المشهد في الأفلام المصرية الأبيض وأسود يقولها الدنيا اطربقت والبورصة وقعت تقوم الست الاصيلة تقوله خد الدهب ده بيعه أو أرهنة ولكن كانت تبيع الدهب مش حاجة تانية في حاجات في البيت متتباعش".

وأكمل: "برجع تاني أحيلكم أنه من سياسة الدولة لحل الازمة الاقتصادية تخارج الدولة من الشركات وبيع بعض الأصول؛ انا عايز حد من العباقرة يقولي ايه الحل النهاردة؛ مفيش وقت؛ المسالة انك كل يوم تصحى الصبح عندك فواتير".

وتابع: "عايز تقولي أن كل الفلوس اللي عليك مثلا في الست شهورالجاية 150 ألف جنيه؛ قولي كدة انا بتاعك لا مش الرقم الكبير ده تحت امرك بردو؛ وعايز لما تدخلوا معانا الدخلة دي تكونوا ماليين إيديكم شوية".

واختتم: "هل الصندوق مستخدمش كلمة المرونة النهاردة؟ أما لو طارت المرونة خلاص يبقوا مش عايزين مننا مرونة ولا نبيع أصول أحنا بنعمل كدة عشان بنحب مصر".