حمو بيكا: مش هكمل غنا بعد 10 سنين وهشارك رامز جلال في مسرحية جديدة

كشف مؤدي المهرجانات حمو بيكا عن رأيه في استكمال مشواره الفني، مشيرًا إلى أنه لن يستمر في مشواره الفني بعد ما يقرب من عشر سنوات.

وقال حمو بيكا خلال لقائه مع الإعلامي هيثم بسّام في برنامج "ورقة في ملف" عبر شاشة قناة النهار: "بحلم أكون مرتاح ومستور بس ومش هكمل كل الغنا ده طول الـ 10 سنين جايين ومحتاج اعمل مصلحة عشان أفضل في الحتة اللي أنا فيها".

وأضاف: "وشوفت كتير فنانين مش معاهم ومش عاوز أوصل للمرحلة ديه، ويبقى أنا مش هقعد هنا لو وصلت للمرحلة ديه، وهكافح ولسه فيا نفس وهكمل المشوار".

أما عن دخوله مجال التمثيل، قال حمو بيكا: "هعمل مسرحية بإذن الله في شهر مارس الجاي في السعودية، أنا ورامز جلال، ولو دخلت مجال التمثيل هنجح طبعًا، بس اتحط في المكانة والحتة بتاعتي، والناس طالبة مني إني أمثل".

وعن رأيه في مشاركة مؤدي المهرجانات كزبرة في فيلم "الحريفة"، قال حمو بيكا: "كزبرة عنده موهبة التمثيل، ليه منقفش جمبه ونساعده يكمل في المسيرة؟".