الورقي
داليا مصطفى تعلن إصابتها بمرض السكر: مش مكسوفة (فيديو)
أعلنت الفنانة داليا مصطفى، عن إصابتها بمرض السكر، وذلك من خلال مقطع فيديو، عبر حسابها الرسمي علي موقع الصور والفيديوهات «إنستجرام»، مشيرة إلى أنها فخورة بنفسها.
وقالت: «صباح الخير عليكم، يارب تكون بخير كلكم، أنا كنت منزلة صورة أنا وأختي، وكنت لابسة في جهاز السكر في دراعي، وكنت بتصور عادي، وبعد ما نزلت الصورة لقيت أمهات كتير شكروني إني نزلت الصورة بالجهاز، لأن ده إدى ثقة لأولادنا المصابين بالسكر».
وأضافت: «أنا بحب أقول لكل حبايبي الصغيرين، أو السيدات اللي بيخافوا يلبسوا الجهاز دا عشان خاطر الناس وكدا، بقولكم مش مهم رأي أي حد فيا، الجهاز دا ريحني جدًا، أنا سكري كان بيوصل لـ8، وحصل مضاعفات مش لطيفة».
وأكملت: «أنا عندي سكر، ومش مكسوفة خالص، يمكن ربنا عمل كده علشان يحمينا كلنا من شىء أخطر وأكبر، والحمد الله على كل شىء وفخورة بنفسي مهما كنت».
