«جوزي متكبر».. تفاصيل دعوى خلع داخل محكمة الأسرة

«جوزي شايف نفسه عليا، كنت الأول فاكراه كاريزما وده تقل شباب، بس بعد الجواز طلعت الحقيقة مرة»، بتلك الكلمات وقفت الزوجة "ع. م" أمام محكمة الأسرة بمصر الجديدة تطلب الخلع من زوجها مبررة طلبها بمعاملته غير المحببة لنفسها، والمتكبرة، الأمر الذي جعلها تكرهه ودمر حياتها على حد قولها.

وتابعت الزوجة البالغة من العمر 25 عاما، بأن زوجها شخص مغرور على كل الأشخاص، الأمر الذي يسبب لها الإحراج مع الجميع، ولكن الكارثة الأكبر هي الغرور على أهل البيت،  «جوزي فاكر نفسه ياما هنا وياما هناك، مش قادرة أتحمل الغرور والتكبر بتاعه عليا، بيتعامل معايا بقرف، لدرجة إنه بيمشي معايا في الشارع هو قدامي بمتر وأنا وراه ومقدرش حتى أتكلم ولا أنده عليه».

«حاولت كتير أغيره وأخليه يحب الناس، ويطلع من دور ابن الذوات ده، هو مش الشخص الوحيد اللي معاه فلوس ولا هو الإنسان الوحيد اللي نجح، عشان يعيش الدور ويعمل فيها كبير البلد»، لتتابع الزوجة بأنها قررت ألا تكمل حياتها مع ذلك الشخص، فقد كرهت الحياة والتعامل مع الرجال بسببه، لذا قررت اللجوء لمحكمة الأسرة لطلب الخلع.