الورقي
هل يجوز تهنئة المسيحيين بالأعياد؟.. علي جمعة يجيب
أجاب الدكتور علي جمعة مفتي الديار المصرية السابق، عن سؤال أحد الحاضرين حول جواز التهنئة بأعياد الميلاد وحضور الخطوبة داخل كنيسة.
التهنئة بأعياد المسيحيين
وقال "جمعة" خلال برنامج "نور الدين" المذاع على قنوات الشركة المتحدة حول التهنئة بأعياد المسحيين، "أيوة عادي ينفع، بس إنتى مش واخده بالك من السؤال، يعني كأن في حد مفهمكم إنه مش عادي، وإنك هتأخذي ثواب لما تنشري الكراهية".
وأضاف "والله يا أولاد أبدا، الدنيا كلها لازم تكون حب في حب، دون كراهية، وعندنا المصريين لما اتشبعوا بالإسلام، فعملوا أمثلة، قالوا له تنفخ ليه يا برص، قال علشان الناس تكرهني طيب هو في حد بيحبك يا برص، فلازم نفهم إن شيوع الحب والتهنئة والمجاملات تعلي من قدرنا ولا تنقصنا، فالكراهية تنقص من قدرنا، في حد عاوز يعمل صدام وفتنة بين ناس هم جيران، ده إحنا جيران من 1500 سنة، وعاوزين مفهوم الكراهية ده يتعدل ويبعد عن البدعة".
