«خاض في عرضي واتهمني بالزنا».. ميار الببلاوي تنهار بسبب شيخ أزهري

ردت الفنانة ميار الببلاوي على تصريحات الشيخ الأزهري محمد أبو بكر، عنها بعد ظهورها في برنامج «العرافة»، وتأكيدها أنها عادت لزوجها الأول بعد 3 زيجات أخريات، وطلاق 11 مرة.

وقالت، في مقطع فيديو عبر حسابها على موقع الصور الشهير «انستجرام»، وهي تبكي: «النهاردة حصل حاجة عمري ما تخيلتها، أول ما خلصت هوا صاحبتي كان عندها حاجة في قناة معينة ومرضتش أسيبها لوحدها، وقلت هروح معاها وأسلم عليها، وأنا داخلة أنا ورئيسة التحرير بتاعتي لقيت الشيخ الفاضل، وبحتسبه من الشيوخ الأجلاء ولكن سبحان الله يمكن نزغ شيطان أو فتنة أو حديث نفس».

وتابعت: «ربنا بيقول (يا أيها الذين آمنوا إن جاءكم فاسق بنبأ فتبينوا)، فما بالكم إن اللي قال عني كده شيخ جليل ويخوض في عرضي وشرفي رغم إن كلنا بنحبه وبنسمع كلامه، وأول ما شيخنا الجليل شافني وأنا كنت بحبه جدًا وبتابعه وأقول نفسي يكون معايا في حلقة، وسلمت عليه، وقال لي أنتِ جيالي علشان حطيتك على المرجيحة إمبارح، فقلت له مش فاهمة، فقال لي أصل إمبارح كنت جاي عليكِ جامد، فرديت قلت له (شرف ليا، وأنت عمرك ما هتظلمني ونحسبك على خير)، لقيته بيقول لي (اللي أنت قولتيه مع بسمة)، لكن ما حدش فكر أنه معمول مونتاج علشان يطلع تريند ونص الكلام مقطوع».

وأكملت: «لما سمعت الفيديو، لقيته بيقول عليا إني باخد كل راجل ليلتين وإني ببوظ شكل الدعاة، حسبي الله ونعم الوكيل فيك زي ما اتكلمت في عرضي وشرفي وشرف ابني، حرام عليك، سبت التمثيل وكل حاجة وبشتغل في برنامجي وبين صلاتي وبيتي وتربية ابني ومش عايشة ومش بخرج من بيتي إلا لو شغلي يعني ادفن نفسي مع أمي».

كما أظهرت ميار الببلاوي قسيمة زواجها وطلاقها من كل أزواجها، لتؤكد أن الزيجات استمرت لفترات متفاوتة.

مفاجأة صادمة للجمهور حول الجزء الثاني من مسلسل «جعفر العمدة»

جزء ثان من مسلسل «صوت وصورة».. البطلة مفاجأة

واستكملت: «المأساة بدأت من حلقة (العرافة) مع بسمة وهبة، وسيبكم من اللي حصل في الحلقة، لكن أي حد بيقول أي حاجة عادي بتعدي لكن ميار لو فتحت بقها الناس كلها تسن عليها السكاكين، ومحدش فكر أن ابني راجل، وابني في وسط الرجالة وصحابوا وشغله شكله هيكون إيه، وابني مش بيكلمني من 22 رمضان، من وقت ما الحلقة طلعت وقافل على نفسه أوضته ومش بيكلمني وأنا مطلعتش غير بابني، كمية المونتاج اللي معمولة في الحلقة فوق ما تتخيلوا، والحلقة اتذاعت وياما حاجات بتنزل وتعدي، ووقتها كنا في رمضان ومعنديش استعداد أبص لحاجة ولا أضيع صلاتي وأنا بخاف من ربنا بشكل مش طبيعي».

وأضافت: «أنا كنت مبلمة في الحلقة مع بسمة وهبة، وكان كل همي أقلب التربيزة وأنا بحترم نفسي، وعارفة بسمة خلوقة وطيبة وصاحبتي من أول ما لبسنا الحجاب مع بعض، لكن مش عارفة هي عاملة سيستم للبرنامج ولا إيه».

وأشارت: «أنا شبعت ظلم ومحدش اتظلم قدي، والمشكلة إني كنت راضية بأي حاجة وظلموتني في مليون موضوع وتوصل لحد شرفي وعرضي وشرف ابني وشيخ يقول إني زانية، أنا معايا ماجيستير في الفقة المقارن ودكتوراه وبرامج دينية وبحتسبها تكون عند ربنا وفي ميزان حساناتي وأنا أم رجل وزوجة رجل وست صعيدية حرام عليكيم قطعتوني، وإخواتي مبقوش يكلموني وابني مش بيمكلني وصاحبة القناة زعلانة مني، والدنيا مولعة عليا، بقول يا رب أنا معملتش حاجة غلط ولو زي الستات اللي بتمشي في الحرام مكنش اتجوزت على سنة الله ورسوله، حرام عليكم من عاب ابتلى».

وأنهت حديثها: «أعمامي بيصرخوا وبيقولوا لي إيه اللي بيتقال عليكي ده، وبعد كده اللي هيتكلم عليا ولا على شرفي ولا جوزاتي مش هكست، أنا مش عاملة بدعة وكل المذيعات اللي زينا متجوزين أكتر من مرة وإحنا حياتنا غير الناس العادية، ومش سهلة، وفي ناس بتقرب علشان منبهرة ولما تقرب الانبهار بيروح، وإحنا ولاد ناس وعيلة ومش جايين من الشارع، عمري ما عملت حرام ولا حاجة غلط، آخر مرة هتكلم وملكوش دعوة بيا».