مخرج "بنقدر ظروفك": أحمد الفيشاوي بييجي قبل التصوير بساعة علشان نخفي التاتو

قال المخرج أيمن مكرم، إن ما جذبه لإخراج فيلم بنقدر ظروفك للنجم أحمد الفيشاوي، هو الكوميديا الموجودة بأحداث العمل، كونه قدم آخر عملين من نوعية التراجيديا فأحب التغيير.

أيمن مكرم

وأضاف أيمن مكرم خلال مداخلة هاتفية مع الإعلامية نهال طايل في برنامج "تفاصيل"، المذاع على قناة صدى البلد 2: "الإسم شدني جدا وهو بنقدر ظروفك سواء من حد قريبه أو صاحبه وكمان موضوع خفيف وبيلمس الناس وبيدور حول شاب من حارة شعبية وإسم الفيلم على مسمى وجمهور السينما محتاج كوميديا في وقتنا الحالي".

وعن كواليس العمل، قال المخرج أنها كانت مريحة لفريق العمل سواء الممثلين أو الصناع، وكل شخص كان يأتي في موعده دون تأخير.

كما حسم أيمن مكرم الجدل حول خلاف الفنان أحمد الفيشاوي مع زملاؤه الفنانين في أي عمل يشارك فيه، قائلا: "معرفش هل الكلام ده بيحصل علشان هو بيشتغل معايا ولا مع ناس تانية.. الفيشاوي تاني فيلم بنعمله مع بعض وعلاقتنا كويسة مع بعض وأنا لم أعاني معاه وهو ملتزم وبييجي قبل ميعاد تصويره بساعة علشان يعمل ميكب ونخفي التاتوهات اللي في جسمه وده شيء عاديء وبياخد وقت بشكل منظم".