محافظة القاهرةتطلق خدمة «اسأل واحنا نجيبك» للرد على استفسارات التقديم بمرحلة رياض الأطفال

أطلقت البوابة الإلكترونية لمحافظة القاهرة، خدمة "أسأل..واحنا نجيبك" للرد على استفسارات أولياء الأمور الراغبين فى التقديم لأبناىهم فى مرحلة رياض الأطفال، ونستعرض خلال السطور التالية، الأسئلة الاكثر  شيوعًا والإجابة عليها.
 1- ازاى أقدم لابنى في المدارس اللغات رسمي أو المتميز؟
هتدخل على الموقع الوحيد للتقديم وهو موقع البوابة الالكترونية لمحافظة القاهرة  https://eduserv.cairo.gov.eg  
إنشاء حساب جديد وبعد انشائه  هيرسل لولى الامر كود تأكيد تأكيد على المحمول، ثم يتم إدخاله مرة ثانية على الموقع، وبذلك يتم تفعيل الحساب وجاهز للتقديم.

2- هل يستلزم يكون العنوان في البطاقة على محافظة القاهرة؟

لازم يكون عنوان ولى الأمر في البطاقة على محافظة القاهرة.. سواء الأب أو الأم، أو الذى حاصل ولاية تعليمية وهى ولى أمر الطفل.

3- أثناء التسجيل بحساب جديد وادخل بياناتى بيقول فيه حاجة غلط.. اعمل ايه؟
اتأكد انك بتدخل البيانات والبريد الالكترونى بطريقة صحيحة، وكتابة الارقام بكيبورد انجليزى مش عربى، الأرقام هتظهر بالعربى على الموقع مفيش مشكلة، واتأكد انك مدخل الأرقام القومية صح، وراجع مرة وأثنين.

4- اكتشاف أخطاء فى البيانات بعد التسجيل وتقديم الاستمارة،  ومش عارفة اعدلها لأن التعديل مفتوح على بيانات معينة بس.... هو كدة التقديم راح عليا ؟؟ ارجوك انا قلقانة جدا ومش عارفة أعمل ايه ؟

ارجوكى لازم نراجع بياناتنا كويس اوى قبل ما نضغط تأكيد الطلب ... بس مفيش اى مشكلة ولا داعى لأى قلق .. سيتم  فتح بابا التعديلات على البيانات علشان اى حد أخطأ يصلح خطأه... ولسه شهر كامل للتقديم ومش هنبص على اى طلبات قبل الشهر ما ينتهى.

5- طيب هو انتوا هتفتحوا التعديل ده امتى ؟ 
هنفتحه خلال أيام قليلة وهنعلن ده على كل قنواتنا الموجودة في نهاية البوست... حضرتك ساعتها هتدخل من حسابك هتفتح استمارة التقديم بتاعتك وهتعدل اى بيانات اتكتبت براحتك .. بس ناخد بالنا.. بنهاية الشهر ده التعديلات هتتقفل ومش هيبقى متاح لك تغيير اى بيانات لأننا هنبدأ التنسيق والاختيار لاعلان نتيجة المرحلة الأولى

6- هو متاح التقديم انى اقدم في الرسمي لغات وارجع اقدم تانى في المتميز ؟ ومسموح ليا بكام رغبة للمدارس ؟
لا حضرتك بتختار حاجة واحدة بس.. اما رسمي لغات أو متميز ... وليك رغبة واحدة بس في المدارس.

7- طيب انا لو قدمت في المتميز وما قبلتش، كدة راحت فرصتى خلاص ؟
لا لو ما قبلتش هتتحول تلقائيا للرسمى لغات ولكن هيتم تسكينك على مدرسة حسب الكثافة المتاحة

8- امال فين التقديم على رياض الأطفال الحكومى أو الصف الأول الابتدائى حكومي ؟
موقعنا غير متاح عليه غير التقديم للمدارس الرسمية والمتميزة لغات فقط ... الحكومى بيكون على موقع الوزارة  وموقعنا ملوش علاقة بيه

9- هو فيه ايه ؟ كل ماجى ادخل على الحساب بتاعى يقولى الرقم القومى أو كلمة السر غلط ... أعمل ايه ؟
لازم تتأكد انك لما عملت حساب جديد اول مرة جالك كود تفعيل على الموبايل ودخلته تانى علشان حسابك يتفعل.. ولازم تدخل الرقم القومى للطفل صح .. الرقم القومى بتاع الطفل مش بتاع حضرتك... واوعى تنسى كلمة السر بتاعتك.. وتدخلها صح

10- عملت كل اللى بتقول عليه ده ومش عارف ادخل على حسابى برضه... اعمل ايه ؟
دوس على "نسيت كلمة السر" وأدخل الرقم القومى والتليفون المسجل على الموقع.. هيجيلك كود على الموبايل... دخله على الموقع واعمل كلمة سر جديدة بدل القديمة

11- لو عندى مشكلة ممكن اتواصل معاكم ازاى ؟
من خلال الروابط التالية 

الموقع الالكترونى: www.cairo.gov.eg 
البريد الالكترونى: [email protected]
الفيس بوك: الصفحة الرسمية للبوابة الالكترونية لمحافظة القاهرة
قناة الماسنجر: https://m.me/j/AbafIrHF2JrvELXC
قناة الواتس       
https://whatsapp.com/channel/0029VaakvHTFSAsvUIapR21b