أشرف زكي: أرفض مشاركة البلوجر في الأعمال الفنية

كشف الدكتور أشرف زكي نقيب المهن التمثيلية، عن رفضه لمشاركة البلوجر والتيك توكر في الأعمال الفنية، موضحًا أن التمثيل يأتي من خلال الموهبة وهناك علامات تدل على ذلك.

وأضاف أشرف زكي، خلال مداخلة هاتفية له مع الإعلامية نهال طايل في برنامج "تفاصيل"، المذاع على قناة صدى البلد 2:" لو في أي موهبة حقيقية بنرحب بيها، لكن لو بلوجر أو غيره والناس تقوله يالا نمثل لأ مش كده، التمثيل مش مهنة من لا مهنة له، شوفلكم شغلانة تانية وأبعدوا عننا، إحنا اللي فينا مكفينا والعيب مش عليهم".

وأشار النقيب إلى أن الخطأ الكبير في مشاركة البلوجر، يأتي من بعض الشركات المنتجة والمنتجين الذين يلهثون ورائهم بغرض شهرتهم والترويج للعمل من خلال صفحاتهم.

وتابع: "أي حد هيشتغل من غير تصريح من النقابة دون موافقة، تصل الغرامة لمليون جنيه، أي حد عاوز يمثل من التيك توكر لازم يتقدم بتصريح من النقابة لو بتتوافر فيه الشروط بنديه موافقة، لكن الموضة بتاعت البلوجر أنا رافضها شكلًا وموضوعًا ومش هسمح بيها، ممكن يستنوا لما أمشي ومدتي تخلص ويعلموا اللي هما عاوزينه".

https://www.facebook.com/share/v/X5saHDzbnd61F9j1/?mibextid=oFDknk