أسامة عباس يكشف حقيقة اعتزاله الفن: مبقتش في سن يسمح أبذل مجهود (فيديو)

كشف الفنان القدير أسامة عباس عن حقيقة اعتزاله الفن التي انتشرت خلال الايام الماضية، وذلك بعد تكريمه في الدورة الـ17 من مهرجان المسرح المصري.

وقال أسامة عباس خلال مداخلة ببرنامج "يحدث في مصر" مع الإعلامي شيرف عامر عبر قناة mbc مصر: "لا أنا معتزلتش بالعكس، أنا قلت إني قلعت الساعة عشان مبقاش مقيد بالمواعيد أنا كنت منضبط في شغلي".

وأضاف: "أنا مبقتش في سن يسمح إني أبذل مجهود اللي بذلته في شغلي أنا باخد كل حاجة بجد جدا، لو اتعرض عليا دور عشان يعجبني لازم يبقى فيه جهد، وأنا معتقدتش إني هقدر أعمل الجهد دا دلوقتي يارب ميتعرضش عليا عشان متحطش في الاختبار".

وتابع أسامة عباس: "أنا مقتنع جدا باللي عملته أنا الحمد لله عملت كل الأدوار اللي ترضيني وترضي اللي حواليه، وإني اسمع كلمة حلوة بتتقال عايز إيه أكتر من كده في الدنيا".