ريهام سعيد توجه رسالة لطبيب تجميل شهير: أنت دمرت حياتي

عبرت الفنانة والإعلامية ريهام سعيد، عن حزنها الشديد بعد حذفها جميع صورها على حسابها الرسمي عبر موقع "إنستجرام" بسبب التشوه الذي تعرضت له بعد إجرائها لعملية تجميل في وجهها.

ونشرت ريهام سعيد صورة حديثة لها وعلقت عليها: "انجح عمليه تجميل للدكتور نادر صعب".

يذكر أن ريهام سعيد قامت بحذف جميع صورها عبر صفحتها الشخصية على موقع "إنستجرام" بشكل مُفاجئ، وكتبت رسالة لطبيب التجميل نادر صعب الذي كانت تخضع للعلاج لديه: "أنت دمرت حياتي ده ولا عشان ميديا ولا قضايا أنت لازم تعيش وأنت فاهم إنكً دمرت حياتي ومستقبلي أنا مسحت الصور القديمة لأني مش قادره أشوفها وأشوف أد أيه أنت دمرتني وأد أيه أنا كنت جميله، ولا قادره أشوف صوري الجديده لأني مشوهه ومش أنا".

وأضافت: "قريت تقرير الطب الشرعي؟ قريت أن في خطأ طبي؟ قريت اني مشوهه ؟؟؟؟.. حسبي الله ونعم الوكيل فيك ربنا ينتقم منك يارب وأي حد بينصرك عليه، أنا ولا حسه اني ست ولا حسه اني عايزه أعمل حاجه أنا انتهيت وانت السبب، قالوا لي ماتمسحينش كل الصور وكل حاجه عشان هاتخسري متابعين طب أعمل أيه وشي ضاع هايتابعوا واحده مشوهه ؟؟؟ ليه”.

وتابعت ريهام سعيد: "أنا كدة كدة خسرت هويتي بعد ما ضيعت عينيه مفيش أغلي من كده هاخسر، ماعداش يوم من غير ما أبكي من الحزن على إلى انت عملته فيه ذَرْهُمْ يَخُوضُوا وَيَلْعَبُوا حَتَّىٰ يُلَاقُوا يَوْمَهُمُ الَّذِي يُوعَدُونَ }:صدق الله العظيم".

واختتمت حديثها قائلة: "بقالي ٨ شهور يجري في القضايا ولسه ماوصلتش لحاجه بس أوعدك الحق راجع وأكيد في يوم هاتحس أنت عملت فيه أيه أنا بستغيث باي دكتور شريف يقدر يحسن وشي مش للدعايه ولا المتاجره بيه، يا رب يارب يرزقني بدكتور يحييني بعد ما الدكتور ده موتني".. أرجو أن التعليقات المجرحة على شكلي تقف لأن مفيش فأيدي حاجه أعملها".