علاء يحاول حل مشاكله أمام محكمة الأسرة: «هروح فين»

«أنا مش عارف أنا هنا ليه، بيقولوا مراتي رفعت عليا قضية تمكين، طب وأنا هروح فين وأنا معنديش مكان تاني أعيش فيه»، بتلك الكلمات القلقة وقف الزوج "علاء.ط"، أما هيئة محكمة الأسرة، يسأل عن الحل لمشكلته مع زوجته التي توجهت لمحكمة الأسرة لترفع دعوى تمكين حتى تأخذ الشقة وتطرد زوجها والد أطفالها منه دون وجه حق.

وأضاف الزوج في دعواه أمام محكمة الأسرة، أنه تزوج منذ ما يقرب من 6 سنوات وأنجب على فراش الزوجية ولد وبنت، «مكناش نعرف بعض قبل الجواز كويس والجواز تم على طول، كان فيه مشاكل بس بتتحل عادي زي أي اتنين متجوزين، عملت كل حاجة كانت عايزاها لكن مفيش فايدة».

وتابع الزوج في دعواه أمام محكمة الأسرة، أنه كان بعد زواجه لديه أمل أن يعيش حياة طبيعية مع زوجته وأبنائه لكن تدمرت أحلامه بسبب خلافاته مع زوجته، والتي أقامت بسببها دعوى خلع، «كان في خلافات كتير مع مراتي كانت بتحصل بسبب ومن غير سبب، بعد أخر مشكلة مشيت وسابت البيت وراحت عند أهلها، كنت فاكرها زي أي خناقة وهتعدي لكن رفعت عليا قضية خلع واتحكم لها بالخلع واطلقنا».

انفصل الزوج عن زوجته بالرغم من عدم رغبته في الإنفصال، ولم يكفيها ما فعلته لكنها أقامت قضايا أخرى أمام محكمة الأسرة على الزوج حتى تدمر ما تبقى من حياته، «انفصلنا وأنا مكنتش عايز أخرب بيتي، أنا عملت كل اللي هي عايزاه كانت مش عايزة تسكن في بيت العيلة أجرت شقة برة كانت بتشتكي من المصاريف كنت بعمل كل اللي أقدر عليه عشان أكفي لكن مفيش فايدة ومفيش حاجة عاجباها، وبعد قضية الخلع رفعت عليا قضية نفقة عشان العيال وأنا بدفع النفقة ومش مقصر».

واختتم الزوج في دعواه أمام محكمة الأسرة، «لحد أخر حاجة لقتها رفعت عليا قضية تمكين عايزة تاخد الشقة اللي في بيت العيلة عشان هي اللي باسمي وأنا قاعد فيها دلوقتي وهي هدفها أنها تطلعني منها وتاخدها بس عشان تبهدلني وتزلني مش مكفيها كل اللي عملته معايا جيت المحكمة عشان أعرف هي رافعة عليا قضايا ايه».