زوجة فى دعوى خلع أمام محكمة الأسرة: "بتاع رجالة وستات"

«بتاع رجالة وستات، من أول يوم جواز بيخوني، وأنا اللي كنت مغفلة، منه لله دمر حياتي»، بتلك الكلمات قصدت الزوجة " دينا.ج" محكمة الأسرة، بعد أشهر قليلة من الزواج،  لتطلب الخلع من زوجها، بعد ما اكتشفت أن كل أحلامها التي رسمتها وأمالها في العيش حياة مستقرة مليئة بالحب، مجرد وهم على حد قولها.

وأضافت الزوجة في دعواها أمام محكمة الأسرة، بأنها لم تكمل عامها الأول في عش الزوجية التي رسمت فيه حياة هادئة مليئة بالحب والتفاهم بين الرجل الذي اختاره قلبها، وبدأت المشكلات بينهما سريعًا ما جعلها تترك المنزل بسبب كثرة الخلافات والمشكلات بينهما،  «من ساعة ما اتجوزنا وفي مشاكل بينا كتير، وسبت البيت كتير، وكل دا في أول الجواز، وكنت مرة في بيت أهلي وقلت أدخل على الفيس بوك بتاعه ألاقيه بيعمل إيه".

وتابعت الزوجة في دعواها أمام محكمة الأسرة، بأنها اكتشفت شيء غير متوقع بالمرة بعد ما قررت البحث في حسابه الخاص لمعرفة ماذا يفعل دون علمها، وهنا كانت المشكلة التي جعلتها تعرف طريق محكمة الأسرة في أول الزواج لطلب الخلع: «معايا باسوردات تليفونه كلها والفيس بوك وكل حساباته، ولما اتخانقنا وسبت البيت دخلت على الفيس بوك بتاعه وشوفت الرسايل ولقيت اللي مكنتش أتوقع أشوفه خالص».

واختتمت الزوجة دعواها أمام محكمة الأسرة،«شوفت فيديوهات ليه مع ستات ورجالة، ومكنتش فاكرة إن الحال بيه وصل للرجالة، كان أهون عليا يخوني مع ستات على الأقل دا العادي، مستنتش كتير ورفعت قضية خلع في محكمة الأسرة على طول عشان أخلعه».