بعد عرض مسلسل برغم القانون الحلقة الأولى.. فريدة سيف النصر: "مستبشرة خير"

أشادت النجمة فريدة سيف النصر، بالنجمة إيمان العاصي والنجم محمد محمود عبد العزيز، وذلك بعد عرض مسلسل برغم القانون الحلقة الأولى، التي تم عرضها مساء اليوم على قناة “on”.

مسلسل برغم القانون الحلقة الأولى

وكتبت فريدة سيف النصر، بعد عرض مسلسل برغم القانون الحلقة الأولى، عبر حسابها الشخصي بموقع التواصل الاجتماعي فيسبوك: “أنا عودتكم على صراحتي.. أنا اتفرجت على برغم القانون.. علشان زيزو حبيبي.. اللي عايز عمتو تقول رايها... ايوة النجم محمد محمود عبد العزيز.. اتفرجت علشانه.. اللي كل دور باشوفه واحد تاني خالص”.

وأضافت عن محمد محمود عبد العزيز: “لائق عليه الطيبة والشر والكوميديا والجد والهزل.. والمتدين والفلاتي.. لكن في ناس ماعرفش دي غيرة ولا استكتار.. لله في الله بيعملوا نفسهم ماشافوش العظمة.. لا يا زيزو انت تتشاف وتتشاف وبتغير جلدك كل دور وشكلك وجسمك ومشيتك.. من حقي أقول كفنانه إني افتقدت مثلا نوح في الأب الروحي.. كل أدوارك علامه ببساطه من غير فذلكه وحركات أوفر بالعكس بتلبس الشخصية طبيعية مريحة”.

واستكملت: "النهاردة كنت وانت ماشي مع ايمان كأنك بتتكلم زي الناس الطبيعيين.. انت سهل ممتنع يا محمد لسه ما انكتبش لك صح.. ونرجع بقي للهانم اللي كنت ماشي معاها النهاردة.. الست إيمان العاصي اللي اتخلت عن جمالها وشياكتها وماكياجها.. وعاشت الأم ومشاعر ست بتدور علي زوجها وبتعاني مع أولادها".

وأضافت عن إيمان العاصي: “ما أخبيش عليكم أنا اتفاجأت وماعرفتهاش.. إيمان نضجت استوت كممثله وكملت ده بجديه لما اتخلت عن إيمان العاصي الحلوة وقلعتها قبل ما تدخل الإستديو وقررت أن الممثل بيعيش أكتر، من أول حلقة مستبشرة خير ومستنيه جدا اشوف هاتعملي ايه”.

واختتمت فريدة سيف النصر رسالتها قائلة: “تحياتي للجميع ولسه السباق في أوله اتمني يحافظوا علي تميزهم للنهايه كافنانيين.. أما المنتج ريمون بك كاعادته غير عادي في مراهاناته وبينجح وينجحوا ويسيبهم ينطلقوا للبطولات الفردية.. كذا مره قولت له انت رمسيس نجيب العصر.. شابووووووو ريمون وبالنجاح يارب”.

يذكر أنه يشارك في بطولة مسلسل برغم القانون، مجموعة كبيرة من النجوم، مثل إيمان العاصي، محمد محمود عبد العزيز، رحاب الجمل، وليد فواز، هاني عادل، وغيرهم من النجوم.