الورقي
رامي صبري: محمد سامي عرض عليا دور في "إش إش" وقلت له هتندم
كشف الفنان رامي صبري أن المخرج محمد سامي عرض عليه دور بطولة في مسلسل "إش إش" الذي ينافس في موسم رمضان 2025.
وحكى رامي صبري خلال الجزء الثاني من لقائه في برنامج "حبر سري" وقال: "محمد سامي كلمني من فترة على مسلسل "إش إش" إني طلع أمثل مع مي عمر هي فنانة جميلة بحبها وبحترم فنها ومسيرتها، كنت مبسوط بالفكرة لكن أنا عندي مشكلة في موضوع التمثيل".
وتابع رامي صبري: "أنا قعدت معاه وقلت له هتندم إنك جبتني، حاولت اقرأ السيناريو وأحفظ وأجرب لكن أنا مش مقتنع دلوقتي ممكن بعد سنتين أو 3، الدور كان البطل مع مي عمر اللي بيحبها".
وأكمل رامي صبري: "محمد سامي صديق من زمان ومخرج عبقري وناجح جدا جدا في الدراما وهو مختلف عن أي حد في جيله ومجتهد جدا، وأنا بحبه، محمد سامي في ممثلين كويسين خلاهم أحسن هو مخرج شاطر".
يذكر أن رامي صبري طرح ألبومه الـ11 والذي يحمل اسم "أنا جامد كده كده".
وفي وقت سابق وجه المخرج محمد سامي رسالة شكر للنجم تامر حسني، وكشف مساندته له في بداياته وشجعه ليخوض تجربة الإخراج، وكان أول عمل له مسلسل "آدم" من بطولة تامر، والذي عرض في عام 2011.
محمد سامي وتامر حسني
ونشر محمد سامي صورة تجمعه مع تامر حسني من كواليس مسلسل "آدم"، عبر حسابه الرسمي بموقع تبادل الصور والفيديوهات الشهير إنستجرام، وعلق: وَلَا تَنْسَوُا الْفَضْلَ بَيْنَكُمْ، وأنا قاعد إمبارح في التصوير افتكرت الرحلة والشقي والتعب من أول عمل لحد العمل اللي بصوره دلوقتي وافتكرت صعوبة الحصول على فرصة عشان الواحد يثبت نفسه ويحقق أحلامه"
واستكمل: "افتكرت أخويا وصاحبي الجدع الطيب الخلوق اللي دعمني من أول لحظة وكان سبب في اللي أنا فيه دلوقتي، تامر قدملي كل الدعم والحب والإمكانيات اللي خلتني أثبت نفسي، وبالذات في وقت كان صعب الشباب ياخد في الدراما فرصة بحجم مسلسل آدم".
وأضاف: "فاكر إن الكل كان رافض إني أخد الفرصة دي ومستكبرينها عليا إلا هو وقف في ظهري كأنه بيحارب لأخوه، وبصلي مرة والظروف كلها ضدي وكنت حاسس وأنا بحضر إنهم هيجيبو حد غيري، وقاللي ده مسلسلك وهتعمله وهتنجح وهتنجحنا معاك، حتي طريقته المتواضعة وهو بيقوللي مسلسلك كأني عامل تسع مسلسلات قبله تحسس الواحد بنفسه وأهميته".
وتابع: "أشهد أمام الله إنك طول عمرك متواضع ومؤدب وتطلب الحاجة باحترام، ومع الكل محترم، وعشان كدة كلنا روحنا فيك، بحبك يا صاحبي وتستاهل كل حاجة حلوة يا أجمل قلب، ويا رب يرزق كل الناس باللي يساعدهم على تحقيق أحلامهم زي ما رزقني بتامر حسني".
