عمرو أديب: باخد 2.5 مليون دولار في السنة ومهنة الإعلامي ليست سهلة
![عمرو أديب](images/no.jpg)
كشف الإعلامي عمرو أديب، عن راتبه السنوي الذي يتقاضاه سنويًا نظير عمله الإعلامي في شبكة قنوات MBC.
قال عمرو أديب خلال كلمته بقمة الحكومات المنعقدة في مدينة دبي ب الإمارات العربية المتحدة: "أنا باخد 2.5 مليون دولار في السنة، مش بقول كدا فخرًا، ومهنة الإعلامي في العالم العربي ليست سهلة"، خلال كلمته في القمة العالمية للحكومات".
وأضاف: "وناس كتير تيجي تقول لك بليل وماقولتش كدة، طب ما تقول أنت، وريني بتعملها ازاي، أنا نفسي دايما أقول للناس إن الأسعار غالية، أنا أكتر أزمة اتعرضت ليها الفترة اللي فاتت كانت سعر البيض".
وتابع عمرو أديب: "وخدوا بال حضراتكم المواطن العادي لا يهتم أوي بحلف الشمال الأطلسي، المواطن يهتم بسعر البيضة وسعر اللحمة، وسعر الأرز، هي دي السياسة عندنا في مصر، هي دي اللي لو أنت اتكلمت فيها هي دي اللي عندك فيها مشكلة".
وأوضح: "إنما بقى تتكلم عن الأحزاب وعن التمثيل النسبي، أو عن الميم، يا سلام هات الميم والعين واللام وكل الحروف اللي أنت عايزها، إنما عندما تتحدث نتكلم عن أكل العيش، لازم تعلموا أننا نعمل في ظروف كلنا مش في بلد واحدة".