بدرية طلبة ترد على الاتهامات الصادمة بعد وفاة زوجها: "الناس ظالمة ووحشة أوي"

أعربت الفنانة بدرية طلبة عن استيائها الشديد من التعليقات المسيئة التي طالتها عقب إعلان وفاة زوجها، حيث فوجئت باتهامات غير مبررة، وصلت إلى حد الادعاء بضلوعها في مقتله.

واستنكرت هذه الادعاءات قائلة: "مش عارفة اللي كتبت تعليق تقول إني قتلت جوزي وسافرت، جابت الجرأة دي منين؟ المحامي أقسم إنه مش هيسيبها لأن التعليق كان جزم بالقتل مش مجرد سؤال".

بدرية طلبة تعترف بظلمها لشقيقها: كل ما بشوفه ببكي

بدرية طلبة: شراء الذهب بيخليني رايقة.. إيه اللي بيفوق غير الفلوس؟

وأوضحت بدرية، خلال لقائها في برنامج "أسرار" مع الإعلامية أميرة بدر على قناة النهار، أنها كانت على تواصل دائم مع زوجها قبل وفاته، مؤكدة أنها كانت قد باركت له على مهرجان فني أقيم باسمه في الإسكندرية، قائلة: "كنت سايباه كويس، وسافرت فرنسا عشان أقدم مسرحية، وقبلها كنت في العمرة وهو كان بيتابعني وكان كويس جدًا".

وانهارت بدرية بالبكاء أثناء حديثها عن الصدمة التي تعيشها قائلة: "ربنا وحده وكيلي، أنا مش بنام، ولسه مش قادرة أصدق إنه توفى، والناس ظالمة جدًا وبتقول كلام مؤذي.. طلقونا، وجوزونا، وقالوا سابته وهو عيان!".

وأضافت أنها اضطرت لمراجعة كاميرات المراقبة في المنزل، لتتأكد بنفسها أنها لم تتركه وهو مريض، قائلة: "لما شفت الفيديوهات، لقيته زي الفل، فإزاي أكون سيبته تعبان.

كما عبرت عن استيائها من الشائعات القاسية التي طالتها قائلة: "إزاي تيجوا على واحدة عاشت معاه أكثر من 30 سنة، وتقولوا إني قتلته؟! أنا ملحقتش حتى أدفنه، وده اللي وجعني".

وأشارت إلى أنها فكرت في توثيق لحظات الوداع بالتصوير، لكن قيل لها إن ذلك غير مناسب.

واختتمت بدرية طلبة حديثها برسالة شديدة اللهجة للمنتقدين: "أنا قررت أضايق اللي ضايقوني، هما اللي أخدوا منه المسرح وتسببوا في مشاكله الأخيرة، وهو كان زعلان بسببهم.. لكن في النهاية، محدش يعرف كواليس حياتنا".