الورقي
هل هناك جزء ثالث من "أشغال شقة"؟.. هشام ماجد يجيب
حقق مسلسل "أشغال شقة جدا" نجاحا وإشادات من الجمهور والنقاد وحتى النجوم، وهو ما دفع البعض للمطالبة بجزء ثالث من العمل.
وعن فكرة تقديم جزء ثالث من مسلسل "أشغال شقة" قال الفنان هشام ماجد خلال لقاء ببرنامج "المشهد تاغ": "موسم جديد دي حاجة سابقة لأوانها بعد ما رمضان يخلص إن شاء الله هنشوف هل عندنا حاجة نقدمها في الجزء الجديد ولا لأ، ودا يرد عليه خالد وشيرين دياب، في النهاية لو الناس عايزة دي حاجة تشرفني جدا".
وتابع: "أنا سعيد بردود أفعال الناس وأكتر حاجة بتسعدني لما بتجيلي رسايل أن المسلسل بيضحكهم ويبسطهم وناس بتدعيلنا دي حاجة في حد ذاتها بتقول قد إيه الفن رسالة والضحك نفسه رسالة مهمة جدا".
وتحدث هشام ماجد على الانتقادات التي وجهت لمسلسل واتهامات التنمر وقال: "أنا مش حابب أرد على الانتقادات لأني شايف أنها مش في محلها، الكوميديا مبنية على فرضيات كتيرة على شخص عندة مشكلة ينشأ منه الكوميديا مش معقول كل ما نتكلم عن حاجة يطلع ناس في السوشيال ميديا تقول دا تنمر، تنمر في إيه الطبيب الشرعي "حمدي" دا مهمل وفاشل بس في 10 تانيين في المسلسل كويسين، في أي شغلانة في ناس كويسة وناس فشله والضحك هيطلع منين؟".
مسلسل "أشغال شقة" من بطولة هشام ماجد، أسماء جلال، شيرين، سلوى محمد علي، مصطفى غريب، وآخرين ومن تأليف خالد وشيرين دياب، وإخراج خالد دياب.
