هل وقع زيزو للأهلي..نكشف تعليق والد نجم الزمالك. دور ممدوح عباس

يبدو أن محاولات إدارة النادي الأهلي،  برئاسة محمود الخطيب، للتعتيم على أزمة الإنسحاب أمام الزمالك، فى لقاء القمة،  والتى صاحبها التهديد بالإنسحاب من بطولة الدوري، جعلت مسؤولي الحمرا، كما يطلق عليهم جماهير الزمالك،  شائعة من خلال احد أبواقهم الإعلامية موقع القاهرة 24  ان النادي الأهلي، نجح في الحصول على توقيع أحمد مصطفى زيزو،  نجم الفريق الأول لكرة القدم بنادي الزمالك،  لمدة أربع مواسم، على أن تبدأ من الموسم المقبل، وسوف يشارك مع الأهلي، فى بطولة كأس العالم للأندية، مقابل الحصول على، 30 مليون جنيه فى الموسم، بخلاف 10 مليون جنيه إعلانات بجانب حصول والده على عشرين مليون جنيه عمولة.

والد زيزو يكشف مفاجأة نارية فى قصة توقيع زيزو للأهلي

كشف والد أحمد مصطفى زيزو حقيقة توقيع نجله  للنادي الأهلي، مثلما تردد خلال الساعات الماضية.

وقال والد زيزو في تصريحات خاصة لموقع اخبار الزمالك: "ابني موقعش في أي نادي وده كلام نهائي".

وانتشر عبر الصفحات الخاصة بجماهير الزمالك هذا المنشور

هل وقع زيزو للأهلي أم سيجدد تعاقده مع الزمالك؟

نكشف كواليس تنشر لأول مرة عن مفاوضات زيزو ووالده مع الزمالك والأهلي

-والد زيزو نفسه وحلم عمره يشوف ابنه بقميص النادى  الأهلي، والكلام ده مش من دلوقتي، الكلام ده من زمان أوي، الراجل أهلاوي كبير والبيت كله أهلاوي وكل الناس عارفه ده، واللي زود الموضوع في دماغه المشاكل الأخيرة اللي حصلت مع المحبين من نادي الزمالك وبعض الأعضاء الحاليين (مينفعش تتقال في الوقت ده).

-والد زيزو اجتمع  مع محبين في النادي الأهلي، كما أجتماع   مع مسؤولين كبار في النادي الاحمر، ومع ناس من مجلس الإدارة كمان، واتفق على كل حاجة بالأرقام والعقود ومدة التعاقد، وكل حاجة ممكن تتخيلها.

-والد زيزو طلب مبلغ (السمسرة) من النادي الأهلي، وهو نفس الرقم اللي طلبه من الزمالك وطلبه من العين وطلبه من النادي القطري التاني ( نص مليون دولار)، والمسؤولين في الأهلي وافقوا ومش بس كده، ده كمان استلم شيك بالمبلغ ده، علشان يقنع ابنه ويخلص القصة مع الأهلي بالكامل.

-والد زيزو مش أول مرة يقعد مع الأهلي، ومش تاني مرة ومش تالت مرة، بس المرة دي غير أي مرة علشان المشاكل والأزمات مع الزمالك، بالإضافة كمان إن اللاعب بقى حر خلاص ويقدر يوقع لأي نادي ببلاش، ودي فرصة ياخد فلوس أكتر ليه.. ده الجزء الأول.

-زيزو لم يوقع لأي نادي حتى الأن، لا في مصر ولا في الخليج ولا في أي مكان  اللاعب لسه عنده جلسة مع نادي الزمالك بعد معسكر المنتخب، وأنا هنا مش هقول إن الزمالك خلص معاه، بس الجلسة صعبة جدا، ومش سهلة ابدا، علشان زيزو طالب (230 مليون لمدة 3 سنوات - يعني 78 مليون في الموسم + إن الموضوع القديم يتحسب من الجديد وده طبعا رقم كبير جدا).

-لو جلسة الزمالك مع اللاعب فشلت لأي سبب بقى، سواء فلوس أو رغبة في الرحيل أو ضغط والده، أو المشاكل القديمة مع والده يبقى اللاعب هيفكر في عرضين الأهلي والعرض الإماراتي أو القطري وهيشوف الأنسب ليه ويروحه، ووالده نفسه وحلم عمره إن ابنه يلعب للأهلي، لكن لسه في جلسة مع الزمالك ووارد كل حاجة تتغير فعلا، بس خلينا نقول نسبة التجديد أو الرحيل مجانًا 50 - 50.

-قصة بقى إن الأهلي عارض 20 مليون أو 30 مليون ده كلام عار تمامًا من الصحة، عرض الأهلي مساوي لطلبات زيزو بالظبط ( زيزو هياخد 230 مليون لمدة 3 مواسم من الزمالك أو الأهلي أو العين أو برشلونة أو ليفربول أو حتى السكة الحديد أو أي نادي مهما كان اسمه، وقصة إن الأهلي بيقول 20 أو 25 أو 30 مليون ده الرقم اللي هيتكتب في العقد بس، وطبيعي يحصل كده طبعا علشان غرفة الملابس والفلوس والرقابة والكلام الكبير ده، علشان بس الناس متتكلمش، لكن الإعلانات والمحبين هيوفروا الباقي بالكامل، علشان يكون موسم زيزو في أي نادي بيساوي ما يقارب الـ 80 مليون جنيه مصري.

-حتى اللحظة زيزو لم يوقع مع الأهلي أو أي نادي أخر، ولا حتى الزمالك، بس والده خلص كل حاجة مع الأهلي، ورافض التجديد للزمالك، بس اللاعب لسه محددش موقفه، وفيه جلسة بعد المعسكر هتوضح كل حاجة بالتفصيل، ولو اللاعب نفسه رفض التجديد أو النادي مقدرش يوفرله فلوسه هيروح النادي اللي هيشوف من وجهة نظره إنه يقدر يساعده في مسيرته.

-ممدوح عباس بشكل كبير هيكون بره قصة تجديد زيزو بسبب مشاكل كتير حصلت ما بينه وبين والده، وكذا حد من المحبين برضو بره القصة، علشان نفس المشاكل (والناس القريبة عارفه اللي حصل بالتفصيل)، بس مش كل المحبين بره، وممكن يكون في مساعدة لو زيزو تنازل عن جزء للنادي... وده الجزء الثاني.