مرتضى منصور: "ممدوح عباس دمر الزمالك وهو اللي طفش زيزو"

هاجم مرتضى منصور رئيس نادي الزمالك السابق، نظيره ممدوح عباس، عقب أنباء توقيع أحمد مصطفى زيزو لاعب الفارس الأبيض للنادي الأهلي، ورحيله خلال فترة الانتقالات الصيفية المقبلة.

مرتضى منصور: "ممدوح عباس دمر الزمالك وهو اللي طفش زيزو"

وقال مرتضى منصور في تصريحات عبر قناته على يوتيوب: “مين ممدوح عباس في مصر عشان يشتم أبو زيزو؟.. طفشت زيزو يا ممدوح عباس ودمرت نادي الزمالك”.

وتابع: “لازم تدخل من رئيس الجمهورية عشان نعرف مين ممدوح عباس اللي بيعمل كل الحجات دي، مصر كلها بتسأل مين ممدوح عباس”.

وأكمل: “أنا اللي جبت زيزو لنادي الزمالك والزمالك لما بيتعادل مع الأهلي دلوقتي الناس بترقص بعد ما كنت بكسبه رايح جاي”.

وأضاف مرتضى منصور قائلا: “زيزو زملكاوي جدا وهيمشي عشان أبوه اتشتم ومن حقه يمشي وفين حسين لبيب اللي مش عارف يجددله من سنة”.

واسترسل ساخرا من إمام عاشور لاعب الأهلي: “أول ما راح الأهلي قالك أنا من زوغري أهلاوي وفي الزمالك قال أنا من زوغري زملكاوي وقبلها أنا من زوغري محلاوي”.