"أمهات مصر": امتحانات الثانوية داخل الجامعات فكرة جديرة بالدراسة مع مراعاة التحديات

أثارت فكرة تنظيم امتحانات شهادة الثانوية العامة بالجامعات المصرية، جدلا واسعا بين أولياء الأمور، وقام اتحاد أمهات مصر للنهوض بالتعليم، باستطلاع آراء الأمهات.

 "إيه رأيكم في مقترح إقامة امتحانات الثانوية العامة داخل الجامعات؟شاركونا بآرائكم؟".. بهذه الكلمات وجهت عبير أحمد مؤسس اتحاد أمهات مصر للنهوض بالتعليم، وائتلاف أولياء الأمور، حديثها لأولياء الأمور من الأمهات.

قالت عبير أحمد، إن مقترح عقد امتحانات الثانوية العامة 2025 داخل الجامعات هي فكرة جديرة بالدراسة، خاصة إذا كان الهدف منها توفير بيئة آمنة ومنظمة بعيدة عن التكدس والزحام داخل المدارس ومكافحة الغش.

وأشارت عبير، إلى أن الجامعات تتمتع ببنية تحتية جيدة من حيث القاعات الواسعة والتهوية المناسبة والإمكانيات التقنية، مما قد يساهم في تقليل التوتر لدي الطلاب، ويعزز من الإنضباط ويحد من ظاهرة الغش، خاصة في ظل الرقابة المحكمة التي يمكن تطبيقها داخل الحرم الجامعي.

وأوضحت عبير، أن أولياء الأمور لديهم بعض التخوفات من هذا المقترح، تتعلق بوسائل النقل والمسافات الطويلة التي قد يضطر الطلاب إلى قطعها يوميًا، إضافة إلى احتمالات إرهاق الطلاب نفسيًا بسبب الانتقال إلى بيئة جديدة في امتحانات مصيرية، لذلك نناشد وزارة التربية والتعليم بدراسة كافة الأبعاد، ووضع خطة واضحة لضمان سهولة الوصول، وتأمين لجان الامتحانات، وتقديم الدعم الكامل لأبنائنا الطلاب.

وتفاعل عشرات الأمهات من أولياء الأمور على صفحة اتحاد أمهات مصر للنهوض بالتعليم، وائتلاف أولياء الأمور، في الفيسبوك، حيث قالت ولي أمر: "قرار مناسب لمنع الغش في بعض لجان الثانوية العامة، الشهادة الثانوية أمن قومي المعترضين علي المسافة حضرتك كمان شهرين هتروح الجامعة يوميا".

وأضافت ولي أمر: "مش مهم يمتحنوا فين المهم أن العربى دلوقتى بقى عليه ربع المجموع، فنتمنى من واضعى الامتحانات مراعاة الدقة فى وضع اسئلة المتحرر وان كل سؤال تكون ليه إجابة واضحة لا يختلف عليها أحد لان بالفعل المدرسين بيختلفوا فى اجابات المتحرر، فحرام يضيع مجهود طالب تعب السنة كلها علشان معرفش يجيب الإجابة اللى فى دماغ واضع الامتحان وممكن طالب تانى كان مهمل طول السنة يجيب الإجابة بالحظ، برجاء تكون أسئلة المتحرر مباشرة لا خلاف عليها، ويكون التمييز بين طالب وطالبة فى اسئلة النحو لان ده الفرع اللى بيتذاكر ويقدر يميز الطالب المجتهد طول السنة والطالب المستهتر".

واستكملت ولي أمر أخري: "طيب والمحافظات اللي مافيهاش جامعه يعقل ولادنا يسافروا محافظه تانيه مش ناقصه توتر وقلق"، وعلقت ولي أمر أخري: "مينفعش طبعا بيني وبين الجامعه ساعه ونص رايح وزيهم راجع، وبعدين مش عاوزين اختراعات في سنة مصيرية".

وتابعت ولي أمر أخري: "القرار فى حد ذاته جميل بس المشكلة انا مثلا بنتى بينها وبين أقرب جامعه حوالى ساعتين مواصلات، لأننا فى قرى ده غير الموصلات صعبه جدآ جدآ، يعنى ممكن تقعدى تجرى ورا العربيه اكتر من ساعه رايح وساعه جى علشان تركبى، يعنى اكتر من 4 ساعات مواصلات بس وده طبعا تعب وإهدار وقت فى الوقت اللى الطالب محتاج فى لكى دقيقه"، وتابعت ولي أمر اخري: " مع جدا بس يكون الامتحان الساعة العاشرة، واتوبيسات تبع الوزراة تنقل الطلبة من القري، عشان حسن التنظيم هو قرار ممتاز هيمنع الغش بصورة كبيرة".