عاجل..لحظة بلحظة وبالصور..إنتهاء أزمة الألتراس بهزيمة مذلة للاهلى

-جماهير التراس اهلاوى تحاصر فندق اقامة الاهلى.
- مفاوضات بين سيد عبد الحفيظ وحسام غالى مع كابوهات الالتراس
- المفاوضات تفشل وعبد الحفيظ يلجأ لتهريب لاعبى الاهلى بواسطة السيارات الملاكى والتاكسيات من باب خلفى.
-وصول 9 لاعبين فقط الى ملعب بتروسبورت.
_ بسيرو وحسام غالى وشريف اكرامى محتجزين فى اتوبيس اللاعبين.
-استدعاء احمد عادل عبد المنعم ومحمد هانى من منازلهم للحاق بالمباراة.
-جماهير الالتراس تعلم بتهريب لاعبى الاهلى من باب خلفى فتقرر الزحف الى الاستاد.
-إتجاه لتأجيل المباراة 45 دقيقة.
-لاعبو سموحة يجرون الاحماء فى ملعب بتروسبورت.
-ميمى عبد الرازق يطالب الحكام بحق فريقه فى احتساب المباراة لصالحه.
-الحكم يهدد بالغاء المباراة واحتساب نتيجتها لصالح سموحة.
-محمد عبدالوهاب نزل للحكام ومجتمع بيهم حاليا في الغرفة الخاصة بالحكام.
-خلافات بين اعضاء الاولتراس امام الفندق .. لان البعض منهم معترض علي عدم خوض المباراة واحتجاز اللاعبين.
-ميمى عبدالرازق يجتمع مع اللوا محمد على وبيناقشه ..محمد على قال هانتظر للساعة الثامنة وخمس دقائق.. ولو وصل الاهلى ومعاه تقرير يثبت من الشرطة انهم منعوا هاعمل اتصالاتى ونحدد اذا ما كنا نؤجل الماتش لبعض الوقت او يتم الغائها .
ايفونا وصل حالا ومعاه وليد سليمان.
-ميمي عبد الرازق : مستعدين نلعب و حابين نلعب ولكن اللوائح يجب ان تُطبق .. و انت فاهم الناس بتعمل كدا ليه و المُخططاات عايزة ايه ..و الشهر الجاي ايه.. و مش عايزين يسبونا في حالنا !.
-فرج عامر رئيس سموحة: معندناش مشكلة الماتش يتلعب فى اى وقت..وننسى اللوائح ونفكر فى مصلحة بلدنا كلنا.
هانى العجيزى لاعب سموحة: لاعبو الاهلى وصلوا ولكن لسه بالترنجات ولم يغيروا ملابسهم..احنا عايزين نلعب والبلد تمشى.
مراسل قناة تن  الساعة 8.13 دقيقة : اتوبيس الاهلى يتحرك الان بعد اصلاح اطاراته والموجود بيسيرو وسيد عبد الحفيظ وحسام غالى..وسائق الاتوبيس يؤكد انه سيقوم بتزويد الاطارات خلال تحركه فى اتجاه ملعب المباراة.
-الالتراس بدأ في الانصراف من امام الفندق والان يتأهب البعض منهم للوصول الى الاستاد.
-محمود طاهر يجرى اتصالات بمسئولى اتحاد الكرة لحسم الموقف.
-الساعة 8.30.. محمد عبد الوهاب عضو مجلس ادارة الاهلى يؤكد انطلاق المباراة فى تمام الساعة 9.15.
- 9.00 مساء..وصول اتوبيس لاعبى الاهلى الى استاد بتروسبورت.
-9.5 لاعبو الاهلى يجرون تدريبات الاحماء.
- 9.15 عدم انطلاق المباراة لعدم جاهزية لاعبى الاهلى.
9.23 انطلاق المباراة ربما يكون فى التاسعة والنصف .
9.30 الحكم ابراهيم نور الدين يقر انطلاق المباراة فى تمام الـ 9.45 .
9.45 انطلاق مباراة الاهلى وسموحة بعد تأخير ساعتين.