سعد سمير يدافع عن "علي جبر" عبر الفيس بوك

دافع سعد الدين سمير مدافع النادي الأهلي عن علي جبر مدافع الزمالك، بسبب الهجوم الذي تعرض له بعد الخطأ الذي ارتكبه في مباراة الأهلي والذي تسبب في تسجيل المهاجم الجابوني ماليك ايفونا هدف تاريخي.

ونشر سعد عبر حسابه الرسمي على الفيسبوك صورة تجمعه بمدافع الزمالك وعلق عليها قائلا:" متستغربش من الي بيحصل ولا تزعل نفسك انتا في مجتمع بيحاول يشوه اي حاجة وبيستني لأي شخص يغلط أو يعمل حاجة وحشة علشان يشمت فيه او تتحسب عليه ولو عمل حاجة كويسة بيعملو مش واخدين بالهم ويبصو ناحية تانية."

وأضاف'، أنا عارف ان ثقتك بنفسك كبيرة ومفيش حد فينا مبيغلطش في مجال من شغله بس ده قدرنا وفجأة كله تحول لملايكة ومبيغلطش."

واستطرد قائلا:" محدش ينكر ان علي ودويدار من أحسن المدافعين في مصر ومحدش قال انهم مغلطوش وهما عارفين بس هنعمل ايه هندبحهم او نموتهم دي كورة ووارد فيها كل حاجة وفي ناس نجوم دلوقتي وعملو كوارث قبل كدة وحتي لو عاوز تنقده أنقده بطريقة إيجابية."

واختتم حديثه قائلا'" انت لاعب كبير يا علي وأخ وصديق وغير كده من أحسن المدافعين في مصر وانا واثق في كلام ده ارمي ورا ضهرك وركز وكل الي جاي أفضل ليك ان شاء الله."