بالفيديو.. والد الشاب صاحب واقعة "قميص النوم" بحلوان يكشف التفاصيل الكامله للحادث

بعد انفراد النبأ بنشر فيديو واقعة تجريد شاب من ملابسة بحلوان وقيام سيدة بإرغامه على ارتداء قميص نوم حريمي فيما يعرف بواقعة " الأسطورة" بحلوان، التقت النبأ مع والد الشاب ضحية الواقعة، الذي اكد  ان تلك السيدة تكلمت علي ابنته بطريقة تسئ لسمعتها وهو ما دفع ابنه لمعاتبتها.. فقامت بشتمه مما دفع ابني لشامها، فهددت أمه بقولها " أنا هفقدك ابنك ده" وهخلي سمعة بنتك على كل لسان.

وعن يوم الواقعة قال والد الشاب " تاني يوم العصر قامت تلك السيدة بجمع  اكتر من 50 شاب تحت البيت وهي في مقدمتهم، ومعهم بعض الاسلحة، وبعتت لابني، لانها هددتني بضربي وزوجتي وابنتي والتمثيل بنا، اذا لم يحضر ابني. 

وتابع لما حضر ابني قامت بتقليعه هدومه كاملة، ولبس قميص نوم حريمي قامت بإخراجه من صدرها، وجابت موتسيكل علشان كان الجو ليلا، وقاموا بتصوير الحادث لكسر عين ابني .. لكن الحمد لله  ربنا كريم الفيديو جه عليهم بعد ما الفيديو اتنشر وبقي قضية راي عام، ابني هرب بعدها، ولكن لما المباحث بعتتله رجع علشان هو عارف انه مش غلطان وان المباحث هتجيبله حقة، والحمد لله قبضت عليها وقبضو علي سلفها وجاري التحقيق معاهم.

واضاف" طبعا البلطجية بتوعها كل شوية ياتوا المنطقة وبأعلي صوتهم يقولو "يا منطقة ما فيكيش راجل"، بقيت بحس اني حق راح، وان كرامتنا اتهانت .. بس اللي عملته المباحث معاى ان شاء الله الحكومة هترجعلنا حقنا.

وأختتم " هم نفذوا مشهد الاسطورة.. بس ابني كان في المشهد ده هو المجني علية بعكس المسلسل، و "كاباكا" اللي هو سلف السيدة اللي اعتدت علي ابني بقي ملقب بالاسطورة.