أول تعليق لـ سما المصري بعد حضورها "القاهرة السينمائي": "حراقة أنا"

خرجت الفنانة سما المصري عن صمتها، وقررت الرد على كل من هاجمها بسبب حضورها حفل افتتاح مهرجان القاهرة السينمائي الدولي في دورته الـ38، خصوصًا أن إدارة المهرجان أكدت عدم دعوتها لحضور حفل الافتتاح.

وعلقت "سما" على هذا الأمر، عبر حسابها الرسمي على موقع "انستجرام"، ونشرت صورة لها من المهرجان، وكتبت عليها: "صباح المهرجانات الحلوة، الناس بتسأل أنا روحت إزاي المهرجان، ومفيش معايا دعوة من إدارة المهرجان مباشرة، فعلا المهرجان مابعتش دعوة ليا، بس أنا كان معايا دعوة جاية لي من المهرجان، مش من إدارة المهرجان، ودخلت بيها عادي، مش كل الدعوات إدارة المهرجان اللي بتبعتها للناس".

وأضافت: "أنا اللهو الخفي، أدخل في أي مكان في أي وقت، في ناس هتموت وتعرف دخلت إزاي مع إن أكتر من نص اللي كانوا موجودين لا فنانين ولا حد عارفهم دخلوا إزاي، بس هي سما حراقه شوية، أنا هاموتهم مشلولين أو محروقين".

وتابعت: "هو في حد عمل حس للمهرجان غيري، واستنوني بأه عشان هتلاقوني في مهرجانات كتير بعد كده، حراقة جدا أنا".